Nimin khan Health Minister Pu Lalrinliana Sailo chuan a Office Chamber-ah Private Hospital aiawhte nen, Mizoram Health Care Scheme(MHCS) leh Rashtriya Swastha Bima Yojana(RSBJ) kalpui dan chungchang an sawi hova. He meeting ah hian Pu S. Laldingliana, Parliamentary Secretary; Pu Vanhela Pachuau, Chief Secretary leh Dr. B. Baruah, Hospital & Medical Education Director te an tel.
Minister chuan tun hma a Health Care scheme kalpui dan chu a that tawk loh avangin harsatna kan tawk a ni tiin tun tuma Health Care Scheme chu a tha thei ang bera kalpui a nih thei nan ruahmanna felfai zawk duan mek a ni tih a sawi a. Hemi chungchangah hian Law Department chuan hma a la mek a ni, a ti. Private Hospital aiawhte chu hmaih palh leh siamthat ngai te a awm chuan thurawn pe turin Minsiter chuan a ngen a. Health Care scheme kalpui tura ruahmanna siam ngai - enrolment ziah fel, smart card reader private hosiptal-a bun te, insurance company leh private hospital ten agreement ziah fel te chu vawi leh khat a tih fel vek theih a nih loh avangin a hun takah Health Care Scheme chu tan theih a ni dawn lo tih Pu Lalrinliana chuan a sawi a ni.
He meeting ah hian Private Hospital te chuan tun hma a Health Care Scheme kalpui ah Insuarance Company ten an pawisa an la bat avanga harsatna an tawh te sawiin tuna RSBY ruahmanna hnuaia BPL chungkua damlo enkawlna rate chu hniam an tih thu Minsiter hnenah hian an thlen a. Minister chuan Private Hospital te tana hlohna tur chu sorkar-in tha a ti bik lo tih sawiin state danga an tihdan leh private hospital ten rawtna an siam te chu hotu dangte nen an zirchian tur thu a hrilh a. Mirethei te tan rawngbawl an ni tih hria a, neitu chan changa he scheme hlawhtlinna tur hian theihtawp chhuah turin private hospital aiawhte chu a ngen bawk a ni.
He meeting ah hian Private Hospital te chuan tun hma a Health Care Scheme kalpui ah Insuarance Company ten an pawisa an la bat avanga harsatna an tawh te sawiin tuna RSBY ruahmanna hnuaia BPL chungkua damlo enkawlna rate chu hniam an tih thu Minsiter hnenah hian an thlen a. Minister chuan Private Hospital te tana hlohna tur chu sorkar-in tha a ti bik lo tih sawiin state danga an tihdan leh private hospital ten rawtna an siam te chu hotu dangte nen an zirchian tur thu a hrilh a. Mirethei te tan rawngbawl an ni tih hria a, neitu chan changa he scheme hlawhtlinna tur hian theihtawp chhuah turin private hospital aiawhte chu a ngen bawk a ni.
