Vawiin khan Secretariat Conference Hall-ah Pu Vanengmawia IAS, Secretary, Rural Development hovin Integrated Watershed Management Programme (IWDP) chungchang sawi ho a ni.
IWMP hi leilung, tui leh leia thiltote humhalhna tura duan a ni a. Hemi hlawhtlinna tur hian lei chunglang luangral tur venhim te, ramngaw leh leia thilto dangte vawnhim te, ruahtui dah khawl leh leihnuaia tui awm (ground water) khawl that te a ngai a. Ministry of Rural Development chuan IWMP hnuaiah hian programme 3 - Integrated Wasteland Development Programme te, Drought Prone Areas Programme leh Desert Development Programme te a duang chhuak a. He programme hmang hian thingtlang lam mi te thil thar chhuah tipungin an dinhmun siam that tum a ni.
Mizoramah pawh IWDP hi Mizoram Watershed Development Agency (MZWDA) Secretary, Rural Development Department in a ho va. 2010 - 2011 chhungin IWDP hnuaiah hian Rs. 9882 lakh hmangin khaw 64 tuam tum a ni a. Senso zawng zawngah hian State sorkarin 10% a tum ang a, a bak 90% chu Sorkar laipuiin a tum dawn a ni.
Mizoramah pawh IWDP hi Mizoram Watershed Development Agency (MZWDA) Secretary, Rural Development Department in a ho va. 2010 - 2011 chhungin IWDP hnuaiah hian Rs. 9882 lakh hmangin khaw 64 tuam tum a ni a. Senso zawng zawngah hian State sorkarin 10% a tum ang a, a bak 90% chu Sorkar laipuiin a tum dawn a ni.
