Vawiin chhun dar12 ah tanin Circuit House Conference Hall Lunglei ah 65th YMA General Conference 2010 thlen dan tur chungchang relin Organising Committee Meeting pawimawh tak neih a ni. He Organising Committee Meeting hi Pu P.C. Lalthanliana, Social Welfare Minister leh Working Chairman  ni bawk in  kaihruai a. Thuhma sawiin Chairman chu 65th YMA General Conference 2010 Lunglei a nghah a nih chungchanga a hlawhtlin theih nana hma latu hrang hrang Sub-Committee 16 member kalkhawmte hnenah lawmthu sawiin member te inpekna avanga committee meeting a hun taka tan anih avang pawhin lawmthu a sawi a ni. Hmun hrang hrang atanga Palai lo kal ten Lunglei a nghah a nih takah chuan beiseina sang tak an neih ang ngeia mawi hnai taka he YMA khawmpui hi thlen a nih ngei a beisei thu a sawi.

Chairman sawmna in Secretary Organising Committee  in report tlangpui a pe a chumi hnuin Treasurer in sum dinhmun report pekna a nei bawk. Tun dinhmuna sum hmuh tawh zawng zawng chu Rs. 12,87,370.00 a ni a, hmanral Rs. 7,41,222.00 niin balance Rs. 5,46,140.00 a nih thu report a pe. Sub-Committee hrang hrang ten an hmalak tawhna theuh report an pe bawk. He conference hmanna tura pandal hming hi 'Lunglei Run' tih a ni. A pumpuia Budget Estimate chu Rs. 30,40,000.00(Cheng Nuai sawmthum leh sing li) ruahman a ni.

Vawiin nia agenda ngaihtuah  5(panga) zingah Lunglei panna kawng siam that te, khawpui chhung sawrkar building, Saikuti Hall rawng hnawih thar, Guest House  chei thar leh Road marking te a tel a ni. Vawiin ni a Organising Committee Member kalkhawmte hi an vaiin member 33 an ni.