Vawiin chawhnu dar 1:00 PM khan Transport Minister Pu P.C. Zoram Sangliana pisa ah Road Safety Council(RSC) member te kawngpui venhim dan chungchang te leh lirthei khalhtute an lo fimkhur zawkna tur ruahmanna siam in. an thu khawm.
RSC meeting chuan ruahmanna pawimawh tak tak 'Road Safety in Mizoram (New Directions)' Chief Engineer(Building), PWD Pu R.Vanlaltluanga buatsaih chhunga in ziak chu an zirchian hnu in Education, UD&PA, I&PR, PWD,School Education, LR&S, Transport leh Road Safety Council a tel Department dang tel ve te'n Detailed Project Report(DPR) siam in September thla chhung ngei in bawhzui tum se tiin thu tlukna a siam. Road Safety Council a tel Department zawng zawng te chu an mahni department kaltlang theuhvin kawngpui vawn him chung chang mipui hnenah hrilh thin turin an in chah nghal. Traffic Road Sign chi hrang hrang pawh kawngpui siamtu department ten an work estimate ah telh ve tawh in siam nghal zel tawh se tiin ngenna siam a ni bawk. Kum danga lo hman tawh thin Road Safety Week chu kumin November kar hmasaber ah hman ni se ti in thutlukna siam nghal a ni.
Vawiin Meeting ah hian Aizawl DC, Transport Director Pu Thanchhuma, IAS, Pu Dawngliana, MCS, I&PR Director Pu Jim K Chozah, LR&S Director Pu R.Lalhmangaiha, MCS, PWD Chief Engineer(Building) Pu R.Vanlaltluanga, Pi Lalsawmi, Jt Secreretary, Transport , Official thenkhat te leh ZDU hruaitute bakah Sawrkar Driver Association(MGDA) hotute an tel.
Vawiin Meeting ah hian Aizawl DC, Transport Director Pu Thanchhuma, IAS, Pu Dawngliana, MCS, I&PR Director Pu Jim K Chozah, LR&S Director Pu R.Lalhmangaiha, MCS, PWD Chief Engineer(Building) Pu R.Vanlaltluanga, Pi Lalsawmi, Jt Secreretary, Transport , Official thenkhat te leh ZDU hruaitute bakah Sawrkar Driver Association(MGDA) hotute an tel.
