Tukinah khan India Republic Day vawi 67-na lawmna leh ram leh hnam tana inpekna kawnga in fuihtharna tura Project Pushpak-in a buatsaih Mini Marathon, ‘Run For India’ chu Lammualah neih a ni a. Sports & Youth Services Minister Pu Zodintluanga leh Chief Secretary Pu Lalmalsawma, IAS-in an hmanpui.

Mini Marathon intlansiaka telte chu Chief Secretary Pu Lalmalsawma, IAS-in Lammual atangin a vai liam a.Kawng ruat bik zawhin Bungkawnah an va in her, a Lamualah vek an lo let leh a ni.Mini Marathon kharna leh intihsiakna a tithate hnenah lawmman a semna a neih zui nghal a ni a, khualzahawmSports & Youth Services Minister Pu Zodintluanga lawmmante hi a sem a ni.

He Mini Marathon intihsiakna hi category nga-ah then a ni a.Mipa leh hmeichhiate tan kum 14-18 leh kum 18 leh a chunglam tan intihsiakna a hrang theuh a buatsaih a ni a. Mipa leh hmeichhe naupang kum 14 hnuailamte erawhchu a huhoa intihsiakna neih tir an ni. He intihsiaknaah hian category tin a ti tha berin tangkafai Rs. 3,000/- leh thilpek an dawng a, pahnihnain tangkafai Rs. 2,000/-, pathumnain tankafai Rs. 1,000/- an dawn bakah Consolation Prize Rs. 500/- chu a ti tha zualte hnenah pek a ni bawk. Intihsiaknaa tel zawng zawng tan hemi ni atan bika siam T-shirt leh Lukhum sem a ni a.

Mini Marathon intihsiaka lawmman dawngtute chu :

 

Mipa Kum 18 Chunglam

Mipa Kum 14-18 inkar

Hmeichhia Kum 18 Chunglam

Hmeichhia Kum 14-18 inkar

Kum 14 hnuailam zawng zawng

1st Prize

Vanlalpeka

T. Malsawmkima

H. Lawmsangzuali

F. Lalchhuanmawii

Lalnunzira

2nd Prize

Ronie Lalnipuia

Lalthlamuana

Zomuanpuii

Ramtharnghaki

Rajnish Kumar

3rd Prize

Zohmangaiha

Kishan Gaula

Vanlalruati

Rebecca Lalrinthangi

Niraj Kumar

Consolation Prize
  1. Zairemmawia
  2. Lalrodinga
  3. Lalduhsaka
  4. Rothanga
  5. ZH. Malsawmdawnga
  6. Epharim Vanlalhriata
  7. Vanlalchhuanmawia
  
  1. Lalropuia
  2. G.K. Tluanga
  3. Lallianchia
  4. Rothuama
  5. Zonunmawia
  6. Vanlaltluanga
  7. B. Lalhruaitluanga

 

  1. Lalremruati
  2. Baby Lalhruaitluangi
  3. Laltanpuii
  4. Lalnunmawii
  5. Zodinpuii
  6. Hoihbiakmawii
  7. Rinropuii
  1. F. Lalremruatpuii
  2. Mary Lalrindiki
  3. Malsawmtluangi
  4. Lalmuanpuii Chawngthu
  5. R. Lalrinfeli
  6. Lalhruaitluangi
  7. Esther Lalmuanpuii

 
  1. Lalmalsawma
  2. Isaac VL. Zawndika
  3. Amos Lalthazuala
  4. Alex Ramdinthara
  5. Samuel K Vanlalpeka
  6. Lalrinngheta
  7. Mimi Vanlalthazuali
  8. Emanuel Vanlalhruaii

Border Road Organisation hnuaia Project Pushpak tenRepublic Day puala Mini Marathon an buatsaih hi Ministry of Defence (Government of India) hmalakna a Mizorama hetiang inelna hmasa ber a nih avangin mipui pawhin an hlut em em a. Sports & Youth Services Department Secretary, Pu Zothankhuma, IAS leh Director, Pu Zothanmawia, MCS-tebakah Department Officer leh staff-te pawh an tel tha hle.

He hun buatsaihtu, Project Pushpak hi Mizoram leh Manipur state chhunga inkalpawhna siam leh enkawl tur a kum 1963-a din a ni a. Mizorama kawng pawimawh ber berte hi an siam leh enkawl tawhte an nih avangin kum 1983 khan khatih hunlaia Chief Minister Brig. T. Sailo chuan lawmthusawina thuziak mawi tak a lo hlan tawh nghe nghe a ni.

Attachment

  • Loading attachment...