2124/2022-2023
Aizawl, 30th September, 2022 : Chief Wildlife Warden, EF & CC Department chuan vawiin khan SAD Conference Hall, MINECO-ah 68th National Wildlife Week, 2022 denchhenin College leh High School level Painting Competition a buatsaih.

Painting competition hi hi Pi Lalrammawii Sailo, IFS, Chief Wildlife in a hawng a, chawhma dar 10:00 -12:00 thlengin High School zirlai mi 50 vel an tel thei a, chawhnu dar 1:00 – 4:00 inkara College level Painting Competition buatsaihah hian College leh Mizoram University zirlai mi 30 vel an tel a ni, he competition-ah hian lawmman pakhatna atanga pathumna bakah Consolation Prize mi 3 hnenah theuh pek bawk tur a ni.

He Painting Competition Theme atan hian 'Compassion to Wildlife' tih hi High School/Higher Secondary theme bik atana thlan a ni a, College leh University Theme atan hian 'Climate Change and Save Wildlife' tih thlan a ni bawk. Participants te hian nungcha leh ramngaw humhalhna kawngah leh kan sik leh sa inthlak zel avanga harsatna kawnga nungchate pawimawhna leh hemi kawnga zirtirna pe thei lemziak mawi tak tak te an ziak a ni, Hei hian zirlai ten nungcha leh ramngaw humhalhna kawngah awareness tha tak a pek ngei beisei a ni. Kan rama ramngaw leh nungcha hlu tak tak an mang mai hlauhawm tam tak a awm a, hengte hi neitu rilru pu a mitin ten a humhalhna kawng hma la theuh turin EF & CC Deptt. chuan mitinte a ngen a ni.

A lawmna pui ber hi, 3rd October, 2022 (Monday) dar 11:30 AM hian Assembly Annexe, Treasury Square ah Pu T.J. Lalnuntluanga, Hon'ble Minister, EF & CC Deptt. ho a hun hman tura ruahman a ni bawk a, he function-ah hian department mi mai bakah Environment NGO te, prominent citizen te bakah Govt. Zirtiri Residential Science College a mi te tel tura sawm an ni bawk a ni.

National Wildlife Week hi kumtin rampum huapin 2nd - 8th October chhungin hman thin a ni a, Wildlife Week hi kum 1954 atangin India ram pumah hman tan a ni a, kumin hi a vawi 68-na a ni a, Mizoram bikah chuan a lawmna pui ber hi Assembly Conference Hall, Assembly Annexe-ah hman tura ruahman a ni a, hemi bakah hian Forest division hrang hrangah leh Range level-ah te pawh a remchang dan ang ang a hmang tura ruahman a ni bawk.