2123/2022-2023
Lunglei the 30th September, 2022 - Lunglei District huamchhunga Polling Station thenkhat awmna sawn chungchang ngaihtuahin vawiin khan Lunglei DC Conference Hall-ah District Level Standing Committee an thukhawm.

Meeting hi Lunglei Additional DC Pu Donny Lalruatsanga'n kaihruaiin a kaihhnawih official-te bakah Lunglei MJA, Sub Hqrs YMA, MUP, MHIP leh party hrang hrang aiawhte an tel a ni.

Committee chuan Polling Station pali sawn dilna, a bialtu BLO te thehluh chu an pawm a. Polling station awmna sawn tur te hi Ramlaitui ah Government Primary School atanga Government Middle School a thlak; Sekhum ah Government Primary School atanga Government Middle School a thlak; Zotuitlang ah Government Primary School atanga Government KLM Middle School a thlak; Mautlang ah Government Primary School atanga Upper Primary School a thlak te an ni.

Heng polling station sawn tura pawm te hi Election Commission of India (ECI) pawmna lak leh a ni ang. Heng polling station-te hi MLA leh MP Election a hman tur an ni.

Tuichawng Polling Station sawn dilna lut chu zirchian leh phawt ni se tiin Committee chuan a pawm rih loh a ni.