Reang (Bru) laklet thawh rukna chu chhunzawm zel a ni. Ruahman lawk ang chuan 17th &18th June chauh tih ni mahse, Reang (Bru) te dinhmun leh an boruak en in tun kar chhung hun hawn a ni ta a ni.

Nimin ni 18th June, 2014 a chhungkaw lo let zawng zawng zat hi 53 an ni a, Kanhmun Facilitation Centre lam atangin 46 leh Zomuantlang Facilitation Centre lam atangin 7 a ni a, an vaiin mi 294 niin, puitling 200 leh naupang 94 an ni. Ti hian nimin thlenga chhungkaw lo lut tawh zat chhinchhiah chu 83 a ni a, an vaiin mi 433 niin, puitling 289 leh naupang 144 an ni.

Vawiin ni 19th June, 2014 tlai dar li leh a chanve (4:30 p.m) thlenga lo lut zat chhinhchhiah chu hetiang hi a ni:

Kanhmun Facilitation Centre-ah chhungkaw 36 niin mi 190 puitling 140 Naupang 50 an ni. Naisingpara camp atangin chhungkaw 22 , Kaskau camp atangin chhungkaw 5, Hamsapara camp atangin chhungkaw 2, Asapara camp atangin chhungkaw 7 an ni a. Mizorama an awmna tur khua Kanhmun-ah (chhungkaw 4), New Eden-ah (chhungkaw 6), Tumpang lui-ah (chhungkaw 13), Kananthar-ah (chhungkaw 1), Nalzawl-ah(chhungkaw 1), Damdiai-ah(chhungkaw 3), Chuhvel-ah (chhungkaw 3), Bawngva-ah (chhungkaw 4) leh Kolalian-ah ( Chhungkaw 1) te hruai leh an ni.

Zomuantlang Facilitation Centre-ah chhungkaw 8 niin, mi 37 puitling 29 Naupang 8 an ni a. Naisingpara camp atang veka lo kal an ni . Mizorama an awmna tur khua Thaidawr-ah (chhungkaw 2), Zomuantlang-ah (chhungkaw2), Tuipuibari-ah (chhungkaw3), leh West Tuipui-ah (chhungkaw 1) te hruai leh an ni.

An khaw awmna turah an chen lailawkna tur temporary shelter lo sak sak an ni a, heta tang hian chhawmdawl chhoh zel an ni ang.