Vawiin khan Thuamluaia Mual Lunglei ah 6th HPC Cup 2016 Inter Village Football Tournament chu Pu K.S.Thanga, Parliamentary Secretary chuan a hawng.

Pu Lawmawma Tochhawng, President, LDFA in inkhawm kaihruai in Pu K.S. Thanga chuan thu sawiin 6th HPC Cup 2016 Inter Village Football Tournament hawng tur a LDFA in an sawm avang in lawmthu a sawi a. Sports leh football a hmasawn tur chuan D3 dicipline, dedicator leh ditermation tel lo chuan a hlawhtlin theih loh ani ati. FIFA in India ram football hmasawn nan hma a la nasa hle a. Mizo thalai ngei ngei te pawh in football atang hian sum tam tak an hai lut a, achhan chu an taimak na leh thawhrimna vang ani a. Football hi tih mai mai chi ani lova, dawhtheihna te, cho nate leh hotute thuawih te a ngai a. Awlsam te a pawisa lak luh theih ani tawh lova, thawhrimna nen a hlawh chhuah a ngai ani ati. Infiam mite pawhin ti mai mai lovin a tak tak a thawhrimna nen khel theuh turin a duh a, sawrkar pohin football hmasawn nan sum tam tak seng in hma a la mek a, a hlawhtlinna chu infiam mite kut ah a awm ani ati.

He 6th HPC Cup 2016 ah hian VC Team 37 an tel a, heta champion hian cheng nuai khat leh trophy an dawng ang a, runner up in cheng sing nga leh trophy an dawng dawn bawk ani. Vawiin a Hawnna hun a inkhel te hi nikum a champion Electric Veng VC Team te leh Zobawk North VC Team te an ni.

Pu KS Thanga Parliamentary Secretary hian tukin zing khan Law & Judiciary Deptt a Pulic Prosecutor te nen inkawm khawmna an nei a Jt Director Account & Treasuries, Southern Zone Office leh Asst Commissioner, Taxation Office bak ah Treasury Office te tlawh in an harsatna leh an mamawh te a en pui.

Attachment

  • Loading attachment...