Vawiin khan Ramthar Veng Community hall ah Ministry of textiles Gov't Of India kaltlang in Integrated Skill Development Cheme (ISDS) Ramthar Cluster tana puantah (Handloom) tui mi 88 te zir natur chu Lunglei Bawrhsap Pu Abhijit Vijay Chaudhari, IAS chuan a hawng.

Inkhawm hi Pi.R.Lalrodingi, General Manager DIC Lunglei in a kaihruai a, Bawrhsap chuan thu sawiin kan minister zahawm tak Pu Rohluna leh kan Parliamentary Secretary Zahawm tak Pu.Joseph Lalhimpuia te hmalakna zar ah Lunglei District ten Industry lam ah hmasawnna tam tak kan neih zing ah Ministry Of Textiles, Gov't Of India kaltlangin Integrated Skill Development Scheme (ISDS) Ramthar Cluster tana Puantah (Handloom) lam a tuimi te leh eizawng te tan rahbi pawimawh tak vawiin a min rawn chhawpchhuah sak hi a lawmawm hle ani. He training hun reilo te chhung a in nei tur hi tih tak zet leh thahnemngai tak a zir a, eizawnna nghelnghet leh District dangte tan a entawn tlak a zir chhuak turin duhsakna sangber hlan chung in, he thla li (4) course training hi lawm takin ka a hawng ani.

Pu Lalhrilliana, SDIO, Directorate of Industries, Aizawl in report tawi pe in Textiles Ministry Gov't Of India hian Handloom leh Handicraft ah hma a la a. Integrated Skill Development Scheme (ISDS) kaltlang a zir tur te hi Central Sorkar in lak dan ah a uluk hle a, Bio-data thawn thlak a, bio metric hmang a attendance lak te hi thawn thlak a ngai a, amaherawh chu Mizoram Sorkar hotuten internet facility te a that tawk thu te an thlen avangin registar ah hming sign in thlatin Aizawl ah thawn in, Aizawl atangin Delhi ah an thawn an phalsak ani. Training tha tak a chhuak te chu khawl thar leh in sakna tur Rs 26,000/- pek an nih tur thu a sawi. Zirtirtu leh Designer ten an thut chilh dawn ani.

Pu.F.Lalzawmliana, VCP pawhin thusawiin Ramthar Veng a Puantah Training na an neih theih chhan chu General Manager, DIC, Lunglei hmalakna ani a ti. Zirlai te chu stripen leh khawl dawn chauh hi um lovin hlawhtlin tum turin leh ti puitling theuh turin a chah a ni.