Vawiin ni 26th May, 2015 (Thawhlehni) chawhma dar 10 khan Oil & Gas Mizoram Exploration Review Meeting a vawi 6-na chu New Capital Complex Secretariat Conference Hall-ah hlawhtling taka neih a ni. Pu Joseph Lalhimpuia, Parliamentary Secretary chu khuallian niin Pu Zothan Khuma, Commissioner & Secretary, Industry & Mines in meeting hi a kaihruai a ni.

Khuallian Pu Joseph Lalhimpuia chuan thusawiin Mizoram-ah Oil leh Natural Gas zawnchhuah tum anih chu lawmawm a tih rualin nasa lehzuala hma chak zawk a an lak a beisei thu leh hna chak zawk a a kal theihnan umzui zel a tul dan a sawi a, ONGC hotute chu hmun hran hran a leiverh hna thawh mek hi  amal te te a verh lo hian a rual verh theih dan a awm em tiin a zawt nghala, mipuite  nena oil verh hna thawk tute chu inkungkaihna tha zawka siam turin leh Mizo thalaite tam zawk tana hna siam sak turin a ngen nghal bawk.

Oil & Gas Exploration Agency atang in Official mi pawimawh tak tak an tel a, ONGC lam atangin Mr. MC.Das, General Manger, Cachar Forward Base, Mr.Feroj Doti Wala, General Manager leh Oil India Ltd. Atangin Mr. AN Barthakur, Head NEF, GN Bishwas, Head Drilling, R.Phukan, Chief Administrator, D.Borah, Dy.Chief Chemist, Mr.A.Bordolai, Dy. Suptg. Geologist leh Pu C. Laldinkima, Dy. Suptg.Geologist te an tel. Mizoram sorkar Department-PWD, P & E leh Revenue lam atang te in official pawimawh tak tak an tel bawk.

He meeting ah hian Mizoram Oil & Gas an zawm mek na ah lungrual tak leh thahnemngai lehzuala thawhho a  pawimawh thu leh harsatna awm thei te leh a sutkian dan an sawi hovin Mizoram in Economic lamah hma asawn theihna tura lei hnuai hausakna phurchhuah ngei beisei anih thu an sawi bawk.

Dr. H. Lallenmawia, Director, Geology & Mineral Resources  chuan meeting tha taka neih a ni chu lawmawm a tih thu a sawi.