Vawiin chawhnu khan Mizoram State Law Commission meeting vawi 29 na chu an Chairman, Pu John Siamkunga, MLA hovin a Office Chamber-ah neih  a ni.

Law Commission Meeting thurel pawimawh tak tak zingah hian Mizoram-a Dan hrang hrang hmanlai ennawn chungchang a tel a. British hunlaia Dan siam, Mizoram-a la hmante hi hman a la tul zel em tih te, Independent hnu-a Central Sorkar dan siam, Mizoram-a hman theih leh theih loh te, Mizoram sorkar Dan siam ennawn a, siamthat ngailaite enchhuah tura Member-Secretary, Pu Zahmingthanga Ralte (Jt. Secretary, Law & Judicial Deptt.) leh Commission Member, Dr. Rualkhuma Colney (Principal, Govt. Mizoram Law College) ten an buatsaih chu an thlirho. Central sorkar-in dan tul tawh lo, repeal ngai a tihte pawh en tel bawk.

Meeting-ah hian heng dan an enho zinga Mizoram khawih bik a awm a nih chuan a ranglama repeal vat nise, sorkar-ah rawtna thlen nise an ti a. Mizoram Legislative Assembly-in Dan a lo pass tawh tangkai tawh lo engemaw zat a awm ni a hriain heng hi repeal tura sorkar-ah rawtna thlen nise an ti bawk. Hei bakah hian Sorkar Laipui atanga lokal ‘The Indian Succession Act, 1925' siamthat rawtna  chu kaltlangpui tura sorkar-ah thlen nise an ti bawk.