7th Batch Reang (Bru) Repatriation atana Sawrkar ruahman lawkna anga Tripura Transit Camp a Reang (Bru) te Mizoram mi an ni nge ni lo endik hna thawhkhatna chu 2nd - 4th June, 2015 chhung khan Kaskau Camp-ah neih a ni a, endik tura inlan tumah an awm lo. Kaskau Camp-a Reang (Bru) awmte endik tura inlan an awm tak loh avangin endik sa te Facilitation Centre, Kanhmun a lo hmuak tura ruahmanna chu kalpui theih a ni dawn lo a ni. Sawrkar ruahman lawk sa angin endik tu tura ruat (identification team) te hian 15th - 18th June, 2015 chhungin Khakchangpara camp-ah endik hna thawk turin an chamchilh leh ang.

Tarlan tawh angin 7th Batch Reang (Bru) laklet hi endik (Identification) atanga tan phawt tura ruahman a ni a. Endik hna hi thuang hnih (phase 2) a thawh tura ruahman niin Mizoram Electoral Roll a awmte endik phawt an ni ang a, hemi zawh hian Mizoram E/Roll a awm si lo Mizoram mi nia inchhal si te endik leh an ni ang. Endik hna hi camp tinah neih a ni ang a. A pumpuia laklet hna hi September thlaa zawh hman tura ruahman a ni.