Economic Statistics Division, Central Statistics Office, Ministry of Statistics & Programme Implementation, Government of India leh CSC e-Governance Service India Limited kaihruaina hnuaiah Economic Census vawi 7-na beihpui thlak a ni dawn a, June, July leh August thla chhung hian chhiarpui buaipuitu tur ten Mizorama veng tin leh khaw tin an tlawh ang a, Establishment/enterprise unit awm zawng zawng, thlai zuar atanga sumdawng lian ber thlengin, an thil neih, siam chhuah leh thar chhuah hralh a sum a chan tir thin zawng zawngte zawhna an zawt dawn a ni.

He census hi India ram pumah kum 5 dana neih thin a ni a. India ram economy leh Mizoram economy tar lang thei Census pawimawh tak anih avangin, Directorate of Economics & Statistics Mizoram chuan, Mizoram mipuiten he chhiarpui hi ngai pawimawh a, chhiarpui beitu turte chu a tul apiangah, tha taka tawiawm zel turin an ngen a ni.