Mizoram Police te chuan May 28, 2019 atang khan ram dang atanga Mizoram chhunga ruihlo leh a kaihhnawih lo lut nasa lutuk ven nan Mizoram hmun hrang hrangah beihpui (Operation) a thlak a. He beihpui thlakah hian Mizoram Police ten theihtawp chhuahin hma lak mek zel a ni a. Operation team panga din niin, team tinte hi Dy.S.P level Officer-in an ho zel a. Vawiin thlenga Operation Team ten ruihtheih thil leh thil dang dan lova Mizoram a rawn lut an man tawhte leh an hlut zawng (local market rate) chu a hnuai a mi ang hi an ni :
1. Heroin hawng 84 leh penicillin bur 3 (1085.97gms) - Rs.41,80,000/-
2. Methamphethamine tablets 1,21,800 (15.478 kgs) - Rs. 1,71,00,000/-
3. BEDC/Bi-e Gallon 62 (1240 ltrs) - Rs. 5,96,000/-
4. Ganja 700 grms - Rs. 6,600/- .
5. Local zu 57 ltrs - Rs 17,100/-
6. Beer case 20 - Rs. 81,600/-
7. China dawi 100 packets - Rs. 1,80,000/-
8. 22 Pistol pakhat, magazine 1 leh a mu 55
9. Nungcha humhalh bik dan lova rawn phurh luh, heng-
a) Green Parrots - 7 nos.
b) Black Parrots - 2 nos.
c) Small Green Parrots - 6 nos.
d) Multi Coloured Parrots - 20 nos.
e) Black Cuckatoo - 6 nos.
f) Emu - 3 nos.
g) Slow lorris - 2 nos.
h) Owl Monkey - 1 no.
Ruihhlo leh a kaihhnawih man tawh zawng zawng hlut zawng hi cheng 2,21,61,300/- hu a ni. Hemi kaihhnawihah hian dan bawhchhia mi 29 lai man niin, Mizoram chhunga Police Station hrang hrangah ND&PS Act/MLPA 2019/Arms Act/Foreigners Act/Wild Life Protection Act hmangin case 18 register a ni. Mizoram kaltlanga Methamphetamine tawlhrukna kawnga bul tumtu nia hriat Rohingya Mosolman pakhat chhuichhuah a ni bawk a. Tripura Police te man tir a ni a, Mizoramah lak chhoh niin case siam sak a ni.
