Mizoram Chess Association buatsaih 8th David Memorial Chess Championship & 15th Dr. D. Baruah Chess Championship (U - 17, U - 13, U - 9) chu vawiin khan hawnna inkhawm Electric Veng YMA Hall-ah neih a ni a. He hun hi Pu P.C. Zoram Sangliana, Chairman, MIFCO in a hmanpui. Hawnna inkhawm Pu Rochhunga Ralte, President, Mizoram Chess Association in a kaihruai a, he championship a tel tur hian Mizoram District hrang hrang atangin infiammite an lo tel a ni.

Pu Zoram Sangliana chuan he infiamma hi kan thalai ten an lo hmelhriat zel a, khawvel huap inelna ah te pawh an la tel theih ngei a rin thu a sawi. Chess Association ten Tournament puitling tak tak 4 - PS Dahrawka Memorial, Robula Memorial, David Memorial leh Dr. D. Baruah Championship an huaihawt thin hi lawmawm a tiin hei hi Mizoram pawna inelna tur atana in buatsaihna hmanraw tha tak a ni a ti.

Chess Championship hian 15th April, 2016 thleng a awh ang.