Reserve Bank of India chuan lottery scheme atana pawisaw thawn Foreign Exchange Management Act, 1999 in a khap thu tunlai hian a sawi thar leh a. Chu bakah he khapna dan hian lottery ni si hming hran daih lawmman pawisa/award dawnna tur atana sum chelek kual ang chi reng reng te pawh a huam vek thu a tarlang a ni. India ramah hian sum semchhuah leh mai tur ang chi, mimal/companies/pawl hmingin Reserve Bank-ah khawih (maintain) a ni ngai lova, tupawhin chutiang atana account hawn chu Reserve Bank ah chuan phal a ni lo. Hetiang thil kaihhnawih certificate, receipt etc. bank in a pe chhuak ngai lova, chutiang account ah chuan pawisa a kawl ngai bawk lo a ni.

Reserve Bank chuan mi tam tak chu hetiang bumna itawm takah hian an lo chesual fo tawh a, tunhnai maiah pawh sum tam tak chan an awm tawh tih a hria.

Reserve Bank of India chuan tunhma in vawi tam tak mipuite hetiang bumna a tak hmuh tur awm silo/thumvawr man/sum ram pawn atanga foreign pawisa dawn/man, ram pawn atanga mimal/pawl leh India ram atang pawhin hetiang ti thin nia insawite laka fimkhur turin hriattirna a lo siam tawh thin a. Hetiang thil hi a tlangpuiin lehkha thawn, e-mail, mobile phone, SMS etc. hmangin an ti deuh ber.

Reserve Bank chuan misualte hian hetiang rawng kai, tun hma lama an lo chin thin tawh chu tunlai hian an thar thawh leh niin a sawi a. Chutiang hmanrua atan chuan circular te siamin certificate leh lehkha Reserve Bank of India atana tih niawm takin an hotu senior official tu emaw signature chuang thlap ah an inzawrhna/thiltih chu thil tak tak anih zia an sawi thin. Hei bakah hian misualte hian an mi bum duhte rin an hlawh theih nan Reserve Bank official angin an insawi a, an telephone number leh e-mail ID te an mi bum tumte chu an hrilh thin bawk. Mi bum ching tam tak chuan account India ramah an hawng thin a, chung an account ah chuan taxes, duties etc. senso atan pawisa dah turin an rawn a. Pawisa an dah anih veleh a dahtir tute, engemaw dawn tur pe tura insawi te chuan pawisa chu lachhuakin an pilbo vang vang tawh mai thin a ni. Hetiang hian an mi bum (victim) te chuan an pawisa dah chu an chan thin a ni.

Reserve Bank chuan mipuite chu thil chiang zawk a hre turin Reserve Bank ticker (www.rbi.org.in) chhiar turin a ngen a ni.