Bangladesh State Minister, Ministry of Chittagong Hill Tract Pu Dipankar Talukdar leh amah tawiawmtu mi pakuate chuan vawiin khan Aizawl an rawn thleng a. Bangladesh Minister hi Lengpui Airport-ah Pu S Laldingliana, Parliamentary Secretary; Trade & Commerce Department hotute leh Chakma Autonomous District Council (CADC) hotu ten an lo hmuak a. State Guest House-ah Trade & Commerce Minister Pu Lalrinliana Sailo; AH & Vety Minister Pu Nihar Kanti Chakma leh senior officer ten an lo dawnsawng a ni.

Bangladesh Minister leh a Team te hian tlai lam khan Durtlanga Anthurium chinna hmun leh Aizawl Theological College an tlawh a. An pualin zanin hian Chief Minister Office chuan Tourist Lodge ah zanriah leh cultural programme a buatsaih dawn a. Bangladesh Minister leh Chief Minister Pu Lal Thanhawla ten naktuk zingah inkawmna an nei anga, chumi zawh ah Tlabung an pan ang.

Bangladesh Delegation, an Minister rawn tawiawmtute te chu Md. Abdul Mazid Shah Deputy Secretary; Md. Mahmudur Rahman Director; Kazi Moklesur Rahman; Sontosh Kumar Chakma, Amit Chakma, Md. Rezaul Haque leh Bangladesh a awm Rev. R T Mawia Chhakchhuak leh a chhungte an ni.

Attachment

  • Loading attachment...