Hmarchhak state huapa tunlai rimawi hmang Kutpui ‘Contemporary Music Festival of the Northeast’ chu vawiin khan Aizawl Vanapa Hall-ah neih a ni a. Meghalaya atanga lo kal ‘Roller Blades’ leh nagaland ami ‘Clueless Attention’ bakah Mizoram atangin Band 3 - Boomarang, Apple leh Zorimawi (IMFA 57th batch) ten an thiam hmangin mipui an awi a ni.

Festival hi hawngin Lunglei District High Power Committee Vice-Chairman Pu Joseph Lalhimpuia chuan khawvel danglam zelah music ziarang pawh a inchawhpawlh sawt hle a; khawvel music tam ber chu khawthlang music nghawng chhuah a ni deuh zel a, chutiang bawkin Indian music hian khawthlang lam rimawi pawh a pawlh nasa tawh em em a ni, a ti. Hei hian music chuan ramri kham a neih lohzia leh mize hrang hrang pawtkhawmtu a nih zia a lantir chiang hle a, vawiina Music Festival pawhin hmarchhak state-a music lama kan chhuanvawrte hmun khata luan tirin inpumkhatna leh induhsak tawnna a thlen tir ngei pawh a beisei thu a sawi a ni. Ram leh khawtlang nuna veiawm tak tak, politics tha lo emaw hmasawnna tura rilruin a veite hi music hmanga midangte hrilh leh hriatthiam tir theih a nih thu sawiin Pu Joseph Lalhlimpuia chuan tunlai thalaite tan hei hi chona lian tak a ni a, music hmasawnna pawh a thlen ngei ang, a ti bawk.

Vawiin Music Festival hi Art & Culture Director Pu Ngurbiaka-in a kaihruai a, chhimtu mipui pawh an thahnem hle a ni.