No.6236/2020-2021

Dated Champhai, the 19th October, 2020: Champhai District chhunga lirthei chevel leh mihring an him theihna tura Champhai District Magistrate-in September Ni 21, 2020 a thupek a lo chhuah tawh bawhzuina chu chak taka kalpui mek zel niin a thawh thumna turin vawiin chawhnu khan Road Protection Squad Committee Champhai chu an Chairman Pu Lalnunfela Chawngthu, Sub-Divisional Magistrate hovin an thawkchhuaka, Bethel Veng chhunga kawngpui nekchep zawnga hmalaknate leh khawlaia inzuarte an endik a ni. Dan palzut mante chu insenghawi turin an hriattir nghal zel a ni.

Road Protection Squad Committee Champhai chuan vantlang tana hnawk leh kawngpui dal zawnga hmalakna leh hnawmhnawk siamte hnenah a rang lama seng hawi tura hriattirna pein a tul angin hma a la zel dawn a. A remchan dan ang zelin veng hrang hrangte fangin, khawtlang hruaitute endikna an kalpui chhhunzawm zel dawn a ni.

Hemi hma hian Champhai luhka Kanan Veng leh District Hospital Road Vengsangte an lo endik tawh bawk a ni.