No.6237/2020-2021

Aizawl, the 19th October 2020: Vawiin chawhnu khan Pu K.Lalrinliana, Minister of State, Fisheries, FCS&CA etc., hovin a Pisa-ah Fisheries Department office te leh Cenral YMA hruaitu te chuan Luidung leh Nungcha humhalh kawnga thawhho dan tur sawihona an nei.

Fisheries Minister Pu K.Lalrinliana chuan Mizoram luidung humhalh pawimawh zia sawiin,sangha a intodelh tur chuan sangha khawi mai ni lova kan ram luidung a sangha awmsa te humhalh a,inthlahpun tir zel chu a pawimawh thu a sawi a.Hemi atan hian, kan luidung te tangkai zawka hman theih tura humhalh leh awmze nei a enkawl pawimawh zia a sawi a, mipui vantlang tan ei hmuhna tling a nih theih thu a sawi bawk a ni.

Pu Lalzirmawia Chhangte Special Secreatary Fishseries Department chuan “The Mizoram Fisheries Rules 2019 chungchang sawi hawnna neiin a tak takin heng dan te hi hman a nih a, chak zawka hmalak theih na tura tlawmngai pawl YMA te tha chakna sawrkarin mamawh zia thu a sawi tel bawk a ni.

He hunah hian Pu F.Vanlallawma Director of Fisheries chuan luidung humhalh tha te lawmman pek theihna dan “The Mizoram Fisheries Conservation Rewards Scheme, 2019 chungchang sawifiah hun a hmang a. Central YMA hotute pawhin luidung leh lhidunga nungchate humhalhna kawngah sawrkar nen an thawk dun thei tur chu lawmawm an tih thu leh leh luidung humhalh chu YMA in hunrei tak atanga a lokal pui tawh thu an sawi a. Central YMA hmalakna zinga thil zawngchhang thlak leh hlawhtling tak a nih thu te pawh an sawi a. Phur taka sawrkar an tawiawm tur thu sawiin hemi hnu hian luidung humhalh na dan thar te hi an sawi ho zui bawk ani.