2677/2023-2024

LUNGLEI; the 5^th November,2023: Vawiin chawhnu dar 4;00Pm khan  Lunglei District Election Officer  leh District Magistrate ni bawk  Pi Ramdinliani IAS  leh Superintendent of Police  Pu Rahool Alwal,IPS, ten a rualin naktipa MLA inthlanna lo  awm tur chung changa hriattur hrang hrang inhrilhhriatna hun(Joint Press Briefing) a tum 3-nan Lungleia Chanchinthar thehdarhtute DC Conference Hall an nei pui.

Vawiin Joint Press Briefing hi bawrhsap Pi Ramdinliani'n a kaihruai a, Bawrhsap chuan inthlanna felfai leh muanawm a awm theih nan a Lunglei District inpuahchah dan tlangpui chanchin thar thehdarhtute chu a hrilh. Pi Ramdinliani chuan kan General Observer te pawhin Lunglei district in MLA inthlanpui atan a kan inpuahchahna chu lungawi thlak an tih thu an sawi a ni, a ti. Sawizawmin DEO chuan kan General Observer te pawhin Lunglei district chu min hmu tha hle a,inthlang tur  pawh kan ang lo, an tih hial khawpin mipui leh party ten ECI in tihtur a tih leh tihloh tur a tih te kan zawm tha a, vawiin ni thlengin boruak duhawm lo a la awm lo va, ka lawm tak zet a ni, a ti.Model Code of Conduct bawhchhiatna sawi tham a awm lova, Official zingah pawh MCC kalh zawng a che  an  awm lo a ni, a ti.

kumin MLA inthlanpui neih turah hian Lunglei district chhunga MLA constituency 6 atangin  MLA candidates 27 kan nei a.  BJP atangin 4,INC atanga in 6,MNF atangin 6,ZPM atangin 6 ,Independent(Zoram Thar) candidate-3 leh Independent candidate -2 an ni, a ti.Constituency 6 awmin;  constituency wise a candidate awm dan chu:-

I.          30-Lunglei North  (ST)A/C-----4,

II.          31-Lunglei East (ST)A/C-------4

III.          32-Lunglei West(ST) A/C------6

IV.          33-Lunglei South (ST) A/C----5

V.           34-Thorang ( ST) A/C----------4

VI.          35-West Tuipui (ST) A/C-------4

Lunglei district  hnuaiah hian Polling station 176 awmin,  chung zingah chuan  Pink Polling Station-12 leh Model polling station 6 a awm bawk. Lunglei District hnuaia Polling Station chhiar tel ni si, polling station 13 chu district dang Serchhip leh Hnahthial district hnuaia awm an ni. Serchhip  District hnuaiah 2: Kanghmun South leh Zote South awmin, Hnahthial District hnuaiah 11: Chhipphir,Bualpui ‘V’, Rawpui,Lungmawi, Phaileng South,Pangzawl I&II, Thiltlang, Rotlang East, Leite leh Maudar te an awm bawk a ni. Polling Official te hi an vaiin 1270 an awm. Home voting tura dilna 197 lutah, vote thlak-189 an awm. Postal Ballot hmangin vawiin thlengin mi 1452 in vote an thlak tawh bawk. Inthlanna a hman tur Bus-15 leh Lirhthei dang-149 requisition a ni bawk.

Tukin zing dar 7:00 khan Despatch Centre( Saikuti Hall kawt) atangin Lunglei district hnuaia khaw hla zual leh kalkawng harsa zuala kal tur polling party 16 ( 34-Thorang AC hnuaiah khaw 9 leh West tupui AC hnuaiah khaw 7) ten an duty-na hmun tur panin an chhuak tawh.

Superintendent of Police Pu Rahool Alwal IPS chuan Lunglei district chhunga boruak muanawm tak hnuaia inthlanna felfai leh thianghlim kan neih theih nana Security Deployment Plan and Arrangement chungchang chipchiar takin report a pe. Report a tarlan danin

1.      MRP leh State Armed Police Force (SAPF)  te nena thawkho turin Central Armed Police Force(CAPF) Company 6 an lo thlen tawh thu  leh an duty mek tawh thu te,

2.      Assembly Constituency pakhat zel chu Flying Squad Team- 2 leh Static Surveillance Team -2 ten an vil mek thu te,

3.      NAKAS( Check Post)  6,  Lunglei  Town  Area-ah -4, Kawrpuichhuah, Tlabung,Lungsen leh Bunghmunah  pakhat theuh din a nih tawh thu te

4.      Quick Response Team(QRT)-9 din a ni tawh  thu te,

5.      Assembly Constituency-  6 vil tura Sectors Police Officer 24 ruatfel fel tawh thu te,

6.      Inbiakpawhna (communication) lam buaipuitu tur ruatfel vek tawh thu te

7.      EVM strong Room leh Counting Hall tur venhim dan te chipchiar taka ngaihthlak a ni.

8.     Polling Station pakhatah hi Police 2 zel duty tura ruahmanna siam a ni a, Hmukhata PS 2 a awmkawpnaah chuan Police 3, PS 3 awmkawpnaah Police 4 leh PS 4 awmkawpnaah Police 5 an duty tur thu a tarlang.

9.Inthlan vuakvetah hian Heroin-162g, Zu( IMFL)-214 bottles, Zu (Local)-5004 Litres  man a ni thu a tarlang bawk.