Aizawl District chhungah Biometric Enrolment (Aadhaar thlalakna) chu tluang taka a kal laiin, phai lama Aadhaar card siamtute Unique Identification Authority of India (UIDAI) leh Registrar General of India (RGI) inkarah harsatna a awm avangin a taka hnathawktu company ECIL te thlalakna khawl thenkhat (software) chu hman theih lohvin a awm nual a. Aizawl District Bawrhsap Pu Kannan Gopinathan chuan hemi chungchangah hian Veng hrang hrang leh khaw hrang hranga zau zawka thla latute tirhchhuah turn a nih mek laiin khawl lam harsatna avangin turn ang leh duh anga chakin Aadhaar thlalakna a kal thei rih dawn lo a ni tih hriattirna a chhuah.

Tuna khawl hman theih la awm chhun chhunte hmangin thlalak hi chhunzawm zel erawh a ni ang a. A hma aiin ni khata thlalak tarn theih zat a tlem dawn avangin mipuite dawhthei leh zual turin an ngen a. Khawl tha leh thla latu tarn zawk neih belh theih nan hmalak chhunzawm zel a nih thu an chhuah bawk.