Tunlai hian Mizoram chhunga District hrang hrang a bikin Champhai District ah Vawk natna Porcine Reproductive & Respiratory Syndrome ( PRRS ) hri a leng mek tih hriat a ni a, he hri leng mekah hian mipui vantlang leh a bikin Vawk vulh tute fimkhur turin Mizoram Sorkar chuan a ngen a ni.
He mi chungchang ah hian District Magistrate, Aizawl District, Aizawl chuan Section 144 Cr.P.C danin thuneihna a pek angin Mipui Vantlang leh Vawk vulh tute hriat leh zawm ngei turin he thupek hi a chhuah .
Mi tumahin Myanmar, Manipur leh District dang atangin Vawk vulh tur emaw hralh chhuah tur chi reng reng an la lut tur a ni lo. Tin, vawk vulh lai mek ten an vawk vulh Porcine Reproductive & Respiratory Syndrome (PRRS) hri avanga thi chu an hralh chhuak tur a ni lo, an phum bo emaw an halral emaw ngei tur a ni. He thupek zawm lo te chu an chungah DAN angin hremna lek kawh a ni ang.
He thupek hi a chhuah ni atanga chhiarin thlahnih (2) chhung a huam ang.
