4048/2023-2024

Dated Aizawl, the 5th March, 2024 : Vawiin khan Unique Identification Authority Of India(UIDAI)Regional Office, Guwahati bultumin Aijal Club-ah Aadhaar chungchanga State Level Workshop neih chu Pu R. Lalramnghaka, IAS, Secretary, DP&AR chuan khuallian niin a hmanpui.

Khuallian chuan Kum 2016 rampuma Aadhaar Act hman tan anih hnuin India mipuite chhinchhiahna Identifier pawimawh ber a lo ni ta a. Sorkar hnuaia hamthatna hrang hrang an dawn theihna turin Aadhaar Enrollment tih a ngai a, Enrollment a tam thei ang berin an tih theih nan Aadhaar Enrollment Drive pawh theihtawpa kalpui anih thin thu a sawi. Aadhaar neitu Beneficiary te'n Direct Benefit Transfer (DBT) kaltlanga hamthatna leh tanpuina an dawn theih Aadhaar leh Bank Account thlunzawm niin mipuite pawhin tanpuina hi dik tak leh awlsam takin an dawn theih phah a ni a ti. Aadhaar chungchanga Workshop buatsaih a ni chu lawmawm a tih thu sawiin kan State tan hmasawnna lama danglamna thlentu anih ngei a beisei thu a sawi bawk.

He hunah hian Aadhaar chungchanga hriattur pawimawhte thupui hrang hrang hmanga Presentation neih niin Colonel Abhishek Koushik, Director, UIDAI, Regional Office, Guwahati, Dr. Prabal Pratap, Director, UIDAI, Head Office, Pi Saurabh K. Tiwari, Jt. Secretary, DBT Mission, New Delhi, Pu Lalrohlua, MCS, Deputy Secretary, GAD, Sofia Dahiya, Secretary Finance, Govt. of Haryana, Biswajit Saha, Nodal Officer (North East), NPCI te'n Presentation hi an pe a. Zawhna leh chhanna hun hman a ni bawk.

Workshop-a tarlan angin tun dinhmunah Mizoram-a Aadhaar Enrollment ti zawng zawng hi 90.61% niin Centrally Sponsored Schemes (CSS) 63 te chu Aadhaar kaltlanga tanpuina pek thin a ni. Empowering Residents, Direct Benefit Transfer (DBT), Good Governance, Aadhaar Enabled Payment System (AePS), Proliferation of Digital Financial Services leh Foundational Layer to India Stack te hi Aadhaar nena inngheng leh inthlunzawm vek an ni.

He hunah hian Commodore Dhiraj Sareen, Deputy Director General, UIDAI, Regional Office, Guwahati chuan kalkhawmte lawmna thu sawiin Shri. Kapil Jambhukar, Director, UIDAI, Regional Office, Guwahati chuan lawmthu a sawi a. Mizoram Department hnuaia Officials te bakah Bank aiawhte Workshop-ah hian an tel a ni.