Vawiin chawhnu dar 1 khan Pu H.L Rochungnunga, Secretary, Department of  Food, Civil Supplies & Consumer Affairs ( FCS&CA) hovin a pisa-ah Aadhaar number leh Family  Ration Card thlunzawm dan tur chungchang-ah meeting neih a ni a. Hmalak tawhnate, hmachhawpte  leh harsatna awmte chinfel dan tur sawihona neih a ni.

Mizoramah Aadhaar number leh Family Ration Card thlunzawm hna hi tun dinhmunah thawh mek a ni a. He meetingah hian Sawkar laipui atanga hriattirna awm angin AAY leh PHH Ration Card neitu zawng zawngte chu September Ni 30, 2017 ral hma ngeia an Ration Card-te Aadhaar number nena thlunzawm hman vek tura beisei an nih thu tarlan a ni a. Hemi kawnga chak zawka hmalak angaih avangin FCS&CA Department hnuaia DCSO te leh GAD hnuaia DC zawng zawngte thahnemngai lehzuala hma lak ho zel dan tur meeting-ah hian rel a ni.

Tun dinhmunah Mizoram pumah Adhaar Card leh Family Ration Card thlunzawm tawh chu za zela 48.70 ( 48.70%) a ni a. Chhan hrang hrang; Internet Conectivity that loh vangte, mipuite hrilhhriatna that tawk loh vangte leh inkalpawhna kawnga harsatna leh thil dang avang te’n duh anga hmalak chak a harsat thu meeting-ah hian tarlan a ni bawk.

Meeting-ah hian district tina DC aiawh te, GAD, DCSO, I&CT Department leh NIC lama hotute bakah FCS&CA Department hotute an tel kim hle a ni.