Nimin tlai khan Chief Minister Bangla-ah Chief Minister Pu Lal Thanhawla leh Japanese International Cooperation Agency(JICA) hotute an inkawm a. Inkawmnaah hian JICA leh Mizoram sawrkhar thawhhonna chungchang sawiho a ni.

Chief Minister Pu Lal Thanhawla chuan JICA hotute chu lo lawmin Mizoram tana an thil phalna leh an phurna te avanga lawmawm a tih thu a inleng te chu a lo hrilh a. Pu Takema Sakumato, Chief Representative, JICA chuan Mizoram sawrkar nen Irrigation, Horticulture leh Agriculture kaihhnawihah Irrigation facilities, Agriculture Growth Support leh Market bitum in thawhhonna an nei tan tih a sawi a. Hmalakna hmasa - Pilot Project-ah Champhai, Kolasib, Aizawl leh Serchhip District-ah te kalpui an tum a a ti a. Nimin chhunah khan Mizoram sawrkar aiawh te nen Joint Coordinating Committee hlawkthlak tak an nei a  JICA chu an phurin Mizoram nen an thawhhona ah beiseina sang tak a nei a. Agriculture sector a thawhhona in hlawhtlina a siam a nih chuan kawngpui leh inkalpawhna hmalakna hrang hrangah te JICA chu tel chhunzawm a inhuam a ti. JICA leh Mizoram sawrkar thawhona ah hnathawh ti muang chang zawnga hmalakna reng reng a awm thiang dawn lo tiin Chief Minister Pu Lal Thanhawla chuan JICA leh sawrkar thawhona chu project entawn tlak siam a nih ngei na turin sawrkarin hma a la dawn tih JICA official te chu a lo tiam a ni.

JICA team hi Pu Takema Sakumato, Chief Representative, JICA India Office chuan rawn hovin Chief Minister an kawmnaah  hian Pu Akihiro Kimura, Representative, JICA India Office, Pu  Subroto Talukdar, Principal development Specialist leh Pu Shigeki Yamaoka, Chief  Adviser, JICA Expert team bakah Minor Irrigation Secretary Pu H.Lalengmawia te an tel a ni.