Supreme Court of India chuan Writ Petition (Civil) No. 494 of 2012 chungchangah Interim Order chu August 11, 2015 khan a tichhuak a. Election Commission of India chuan he thupek thar avang hian State tin te zawm tur a hnuaia mi ang hian a tichhuak:

1. National Electoral Roll Purification and Authentification Programme (NERPAP) hnuaia Aadhar number lakkhawm, thunluh leh voters id nena thlunzawm (feeding/collection/seeding) hna kal lai mek chu thu leh awm hma chu tihtawp nghal tur a ni.

2. Aadhar-a data awmte lakkhawm tawh loh tur a ni a, lakkhawm tawh sa te pawh mimal nihna tihchian nan emaw thil dang atan hman zui loh tur a ni.

3. Aadhar Number lakkhawm chungchanga mipui hnena hriattirna, tihlarna leh fakna hmanrua zawng zawng tihtawp tur a ni a. Tarchhuah tawh sa a awm a nih pawhin lakthlak vek tur a ni.

4. NERPAP hnuaia Aadhar number thehluh leh thehluh loh chungchang chu elector tinte mimal zalenna a ni a, tute mah thehlut ngei tura phut an ni lo. Aadhar number thehluh loh avangin tute mah vote thlak tura dan theih an ni lo. Aadhar neihloh avangin Electoral Roll a hming ziahluh/paih dilna hnawl a ni lovang.

5. Aadhar number lakkhawm leh thunluh hna tihloh NERPAP hna kal lai mekte chu thawh chhunzawm zel tur a ni.