1686/2025-2026
Lawngtlai, 15th August, 2025 : Sawrkarlaipuia Ministry of Tribal Affairs- in a bulthuma sawrkarna tih chakna tura ' Aadi Karamyogi Abhiyaan' a kalpui chungchangah a hnuaia mi ang hian Lawngtlai Bawrhsap chuan 'Press Note' a tichhuak.
PRESS NOTE
Ministry of Tribal Affairs chuan a bulthuma sawrkarna tih chakna turin 'Aadi Karmoyogi Abhiyaan' hnuaiah chak takin hma a la meka. He Abhiyaan-in a tum ber chu Tribal Area - bikah chak taka sawrkar inrelbawlna kalpui a nih theih nana sawrkar mi leh sa nuai 20 chuang hruaitu tha ni thei tura chherchhuah a ni.
Ministry of Tribal Affairs hian Triabal Area hi ngai pawimawhin hriselna kaihhnawih (healthcare), zirna (education), hmasawnna ruhrel (Infrastructure) leh sector dang hrang hrangte tha tawklo angin lang mahse heng sector hrang hrang a hmasawnna tur sawrkar scheme tam tak a awmsa a. Hetiang Tribal Area tana hamthatna awm angte tam thei ang bera dawn a nih theih nan a sawrkar mi leh sa te leh a thawhpuite training hmanga infuihtharna leh mipuite tana chhenfakawm nei tur a inchherchhuahna hun neih hi a tum ber a ni.
Hemi atan hian Lawngtlai District chhungah pawh hmalakna tam tak awm tawhin, District Nodal Officer atan SDO ( S) ruat tawh a ni a.District Level Master Trainer, Block Nodal Officer te leh Lawngtlai District- a thawhpui tur Civil Society Organization/ NGO te pawh ruat tawh an ni a. An ni hian State Process Lab ah training paltlangin, training paltlang tawh te hian District Process Lab-ah leh Block Level Process Lab-ah Field Level Staff thlenga training pek beihpui thlak tum a ni. Tin, heng bakah hian District Responsive Governance Group leh War Room-te pawh siam tawh niin, chak lehzuala mipui lungawi lohna chinfel (Grievance Redressal Mechanism) kawngah District Level, Block Level leh Village Level thlenga chak taka chinfelna tur hmun Seva Centre din te leh, Department tin thawhhona (convergence) hmang tangkaia khaw hmasawnna tura Village Acton Plan- siam te pawh a huam tel dawn a ni.
He ' Abhiyaan' beihpuiah hian Line Department hrang hrang tanhona mamawh a ni dawn a. Line Department hrang hrangte'n Aadi Karmayogi Abhiyan SOP/Guidline-a tarlan mahni chanvo theuh te tlin taka hlen tura ngen an ni a. Tin, Village/Local Council zawng zawngte pawh he Abhiyaan hnuaiah hian Special Gram Sabha-te lo nei tur leh, Gram Sabha remchang apiangah he Abhiyaan tana hun remchang lo siama mipuite hriattirna leh thawhhona tha neih theihna tura hma la tura ngen leh hriattir an ni bawk.
CHEEMALA SIVA GOPAL REDDY,IAS,
Deputy Commissioner,
Lawngtlai.
