1687/2025-2026
Dated Lawngtlai, 15th August, 2025: Tukin zing dar 8 khan Central Young Lai Association (CYLA) Play Ground, Chandmary-ah India Independence Day vawi 79 -na ropui taka lawm a ni a. Prof. Lalnilawma Minister, Rural Development & Adminstration, Disaster Management & Rehabilitation leh Public Health Engineering Department, chuan khuallian niin a hmanpui.
Khuallian Prof. Lalnilawma chuan ‘Independence Day’ lawmna hmun a thlen veleh hian India hnam puanzar pawt pharhin Parade Contingent-15 in zahna chibai an hlan a chhanglet a, Independence Day thuchah a sawi chhunzawm nghal a ni.
Prof. Lalnilawma chuan Parade Contigent, Official, Independence Day lawm tura lo kal zawng zawng leh Lawngtlai mipuite chibai bukna a nei a. India ramin British sawrkar awpna atanga zalenna hmu tura beitute zingah Mahatma Gandhi, Subash Chandra Bose leh midangte bakah Mizo zingah Lalnu Ropuiliani, Pasaltha Khuangchera te chu an ngaihsanawm hle tiin, ram tana an inpekna hre reng turin a chah a. Zalenna sualtute inpekna leh thawhrimna chu thangtharten vawng nung tlat a, ram leh hnamin hmasawnna tha leh chhenfakawm a neih theihna tura theihtawp chhuah turin a sawm a ni.
Khuallian chuan Ruihhlo laka fihlim turin mitinin mawhphurhna an nei tih a tarlang a. Nasha Mukt Bharat Abhiyaan (Drug Free India Campaign) hnuaiah Ruihhlo Do Campaign- chak taka kalpui niin, Ruihhlo laka fihlim tura intiamkamna (Pledge) Sawrakr Office- ah neih a nih thu a sawi a. Ruihhlo Do tura Sawrkar, Kohhran leh NGO- te lungrual taka an thawhho thin thu tarlangin, Ruihhlo laka fihlim tura inzirtirna chu Zirna In leh Vangtlang mipuite hnena kalpui thin a nih thu a sawi bawk.
Prof. Lalnilawma chuan British sawrkâr awpna atanga kan chhuah hnuin, India ram chuan chak takin hmasâwnna a kalpui a. Mizoram sawrkâr pawhin kawng hrang hrangin hmasâwnna tûr hna tam tak a thawk mêk zêl a ni, a ti. Ram leh hnamin hmasawnna rahbi thar a kai zel theihna turah Lawngtlai mipuiten theihna sang tak an nei tiin, kawng engkima Sawrkar thawhpui thin turin Lawngtlai mipuite a sawm nghal a ni.
Vawiin Independence Day vawi 79- na lawmna ah hian Parade Contingent 15 - Armed Contingent -1, Unarmed Contingent- 5 leh School Contingent -8 leh Brass Band- 1 awm in, Parade Commander hi Inspector Mohan Prasad Dahal, 3rd IR Battalion, Thingkah a ni a,1st Commander hi Sub- Inspector PC Chuaudinga, 3rd IR Battalion, Thingkah niin, 2nd Commander hi Sub- Inspector Ronald Khawbung, 3rd IR Battalion, Thingkah, te an ni a. Khuallian chuan Parade Contingent-te lawmman bakah Zirna lama titha leh Khawtlang tana Rawngbawlna lama thawk thate hnena thilpek hlanna a nei nghal a ni.
Parade Contingent - te lawmman lak dan chu hetiang hi a ni:-
Unarmed Contingent
Pakhat na - NCC Don Bosco School
Pahnih na - NCC Govt. Region High School
Pathum na- Ngurnunsangi High School Guides
School Contingent
Pakhat na -Ngurnunsangi High School (Girls)
Pahnih na - Jehova Jireh Higher Secondary School (Boys & Girls)
Pathum na -Downtown English School ( Boys & Gilrs)
Zirna lama titha
1. Lalramengmawii - D/o V. Vanalaltiama
St. Joseph Higher Secondary School,
HSSLC ( 8th Rank- Arts)
Khawtlang tana Rawngbawlna lama tithate
1. District Hospital, Lawngtlai
2. Lairam Christian Medical Centre & Hospital
3. Christian Hospital, Lawngtlai
4. Lairam Motherless Home
5. Lairam Rescue Centre
6. District Jail, Lawngtlai
Khuallian Prof. Lalnilawma chuan Independence Day Vawi- 79 na puala Football Tournament buatsaih a telpui nghal a. Thu tawi sawina neiin, Minister chuan Thalaite chu Ruihhlo laka fihlim tura infiamna uar sauh sauh turin a sawm a. Infiamna chu eizawnna tlak a nih thu tarlangin, a bik takin Football chu Mizote thiam zawng tak a nih ang a theihtawp chhuah zel turin a chah. Ruihhlo bawih a tangte chhanchhuak tura inpekna nei tura sawmin, infiamnaah rilru thianghlim tak nei fo thin turin a chah nghal bawk.
Independence Day Vawi- 79 na puala Khuallian thusawi kimchang hi a hnuaia link-ah hian chhiar theih a ni e.
Attachment
- Loading attachment...
