2463/2025-2026

Dated : Mamit the 17th of September, 2025 : Vawiin khan DPRC, Auditorium-ah Aadi Karmayogi Abhiyan hnuaia Mamit District Process Lab (DLP) training hawnna Pu K.Laltlawmlova, District Bawrhsap-in a nei.

Pu K.Laltlawmlova chuan Aadi Karmagoyi Abhiyan hnuaiah Mamit District kan tel avangin District chhung khaw hrang hrangah hmalakna leh zirtirna kalpui a ni dawn a, hming hran neiin rawn kal mahse hmalakna kan lo neih tawh sa te nen pawha inhlatlo a nih avangin huphurh miah lova training nei turin kalkhawmte a chah a, harsatna leh hriat fiah loh kan nei a nih pawhin District master trainer te rawn hrehlo tur leh kan tihtur hriatchian a pawimawh a, mipuite hnena zirtir chhawng leh tur kan nih avangin chiang taka training nei turin a chah bawk.

Pi Lalrampari, SDC & District Nodal Officer, Aadi Karmagoyi Mission chuan a lem nen Aadi Karmagoyi Abhiyan chungchang sawizauna a nei a ni.

He hunah hian Shri Roumuan, Paite Joint Secretary, Govt of India, Ministry of Tribal Affairs & CMD, NSTFDC video clip thlirhona neih a ni a. Pu H.Lalrosanga, District Master Trainer, AKA - RGP chuan lawmthu sawina a nei bawk.

Aadi Karmagoyi Abhiyan hi tribal te chawikanna tur atana duan niin July ni 10, 2025 khan India Prime Minister chuan a hawng a, India Vision 2047 - India Independence Day kum 100-na ah chuan India ram chu hnufual bik awm lova developed country a siam tum niin, Tribal Village 63000 a huam dawn a ni, Mamit District chhungah Dharti Aaba Janjatiya Gram Utkarsh Abhiyan ( DAJGUA) hnuaia khaw thlan chhuah 57-ah hmalakna hi kalpui tum a ni.

Block Master Training hi mi 15 niin, ni 3 chhung training hi neih a ni dawn a, District Master Trainer tur mi 8 te'n State Level-ah training nei tawhin Block Level-ah training hi an pe leh a ni.