1516/2025-2026

Dated : Mamit the 19th of September, 2025 : Vawiin khan DPRC, Conference Hall-ah Aadi Karmayogi Abhiyan hnuaia Mamit District Process Lab (DLP) training ni thum chhung neih chu zawhfel niin, training chhuakte certificate Pi Lalrampari, SDC & Nodal Officer, Aadi Karmayogi Mission chuan a hlan.

Pi Lalrampari, SDC & District Nodal Officer, Aadi Karmagoyi Mission chuan Aadi Karmagoyi Abhiyan chu Mission anga kalpui tur niin, India ramin zalenna a hmuh kum 100-na ah, tumah hnufual bik awm lova, developed country a siam tura hmalakna a ni a, he mi tur hian kan rilru leh ngaihtuahna siam dik hmasak chu a ngaih dawn thu sawiin, training chhuakte pawh chutiang anga mipuite zirtir chhawn leh chu an hna hmasa tur a nih thu a sawi.

Training hi Ni 17th atanga 19th October, 2025 chhunga kalpui niin, Pu Vinod Kumar, Section Officer, MoTA chuan training hawnna hun hi a hmanpui a ni.

Vawiin training kharna hi Pu H.Lalrosanga, District Master Trainer, AKA - RGP chuan kaihruaiin, trainers te'n thusawina an nei bawk.

Tarlan tawh angin Aadi Karmagoyi Abhiyan hi tribal te chawikanna tur atana duan niin July ni 10, 2025 khan India Prime Minister chuan a hawng a, India Vision 2047 - India Independence Day kum 100-na ah chuan India ram chu hnufual bik awm lova developed country a siam tum niin, India rampumah Tribal Village 63000, States 26, District 549, Blocks 2900 te a huam dawn a, Mizoramah chhungah District 8 chhungah kalpui tur niin, Mamit District chhungah Dharti Aaba Janjatiya Gram Utkarsh Abhiyan ( DAJGUA) hnuaia khaw thlan chhuah 57-ah hmalakna hi kalpui tum a ni.

Block Master Training chhuakte hi mi 15 niin, an ni hian Village Level-ah Village Action Plan - 2030 Gram Sabha siam leh Sewa Kendra hawn te chu an hna hmasa a ni ang.