No.554/2020-2021

Aizawl, the 23rd April 2020 : Sawrkar Laipui scheme PM-GKAY hnuaiah AAY leh PHH (NFSA) Beneficiary te tan Buhfai mi pakhat zel ah 5 kgs per month a thlawn a sem tura ruahman a ni a. April & May, 2020 hi a ruala sem tur a nih avangin mi pakhat zel ah 10 kgs (April & May atan) allotment siam tur Director, Food Civil Supplies and Consumer Affiars chuan DCSO zawng zawng chu vawiin khan a hriattir a. He Allotment hi 27th April (Thawhtanni) – 9th May, 2020 inkarah retailer ten mipui hnenah an sem ngei theih nan Supply Centre atanga pek chhuah hman tum a ni.

Allotment hi ni 20.4.2020 Ration card Data ( NFSA ) mila tih chhuah tur a ni a, Ration Quota sem chhuah a nih in, a hnuaia tarlante hi zawm ngei tur a ni :

1. PMGKAY Ration hi Retailer-te hnenah a thlawn (free of cost) a pek chhuah tur a ni a, Retailer te hian Beneficiaries te hnenah a thlawnin an sem zui tur a ni.

2. Fair Price Shop Allotment zawng zawng hi Digitized Data (20.4.2020) nena inmil thlap tur a ni a, Allotment copy hi Local/Village Task Force te hnenah pek tur a ni ang.

3. Fair Price Shop ten dan angin Ration lak theih hun pangngai an kalpui tur a ni a, Local Task Force te nen in be rawnin sem hun ruahmanna pawh an siam thei ang.

4. Allotment Order hi tihchhuah a nih rualin Departmental Transparency Portal mizorampds.nic.in ah upload nghal tur a ni.

5. DCSO/SC incharge ten dan pangngai angin DO an issue ang a, chu chu Fair Price Shop ten carrying bill claim nan an hmang zui ang.

6. PMGKAY scheme hnuaia Buhfai sem hi fel tak a kalpui a nih theih nan leh “ Report and Returns” mumal tak thehluh a la ngaih dawn avangin DCSO leh Centre i/c zawng zawng te mahni centre chhuahsan lo tur a hriattir an ni a. An hnuaia retailer te uluk taka buhfai sem enfel pui tura hriattir anni bawk.

7. PMGKAY scheme hnuaia buhfai a thlawna sem tur hi Supply centre thenkhat a buhfai a dawngkim hmanlo an lo awm a nih pawhin an stock neihsa atanga pek chhuah mai tur a ni.

8. Retailer zawng zawng in an sem chhuah dan hi felfai takin Proforma duansa ang hian an sem dan leh sem zat chiang takin, Village Level Task Force leh Local Level Task Force leh Bialtu centre i/c te hriatpuina Countersignature nen Bialtu DCSO-ah an thehlut tur a ni. DCSO te hian an hnuaia retailer ten an quota an sem kim lo emaw an pe kim lo emaw anih chuan Fair Price shop hming leh an sem kim loh zat ziakin Directorate-ah report a rang thei ang berin an thehlut tur a ni.

9. PMGKAY scheme hnuaia Buhfai a thlawn a sem hi mipuiah a tam thei ang ber puanzar tur a ni a, district tin a IPRO te leh veng tina khawtlang hruaitute nen hma la ho tura beisei leh hriattir an ni.