4298/2023-2024
Champhai, the 21st March, 2024: Absentee Voter (AVSC, AVPD, AVCO leh AVES) te tana Postal Ballot chungchanga March 16, 2024-a DEO Office Champhai order tihchhuah chu March 19, 2024-ah Essential Service-te ECI-in a notify chauh avangin leh fel fai leh tluang taka election conduct a nih theih nan a hnuaia mi ang hian District Election Officer, Champhai District Pu James Lalrinchhana chuan thuchhuah thar a ti chhuak:
1. Booth Level Officer (BLO) te'n Senior Citizen (kum 85 chin chunglam) leh PwD voter (Benchmark disability certificate neite) hnen atanga Form 12D fill up fel sa an dawn chu March ni 25, 2024 chawhnu dar 1:00 aia tlai lovah Election Branch/Postal Ballot Team-ah an submit tur a ni. Dilnaah hian Senior Citizen tan EPIC copy thil tel tur a ni a; PwD voter tan EPIC leh Disability Certificate thil tel tur a ni.
2. Annexure-a tarlan Essential Service Category-te hian March ni 25, 2024 chawhnu dar 1:00 thleng Form 12D hi Election Branch/Postal Ballot Team hnen atangin an la chhuakin an submit thei ang a. Dilna Form 12D, Part II-ah Department Nodal Officer-in, diltu chuan Poll Day-ah duty a nei ngei a ni tih tichiang turin a countersign tur a ni. Dilnaah hian EPIC copy thil tel tur a ni.
3. Dilna Form 12D hi official website: electionchamphai.mizoram.gov.in -ah download theih a ni bawk.
