4299/2023-2024
Dated Saitual the 21st March, 2024: Vawiin tlai khan Kum 2024 Lok Sabha General Election lo awm tur atan a Expenditure Observer, Pu Arvind Sharma hovin DC conference Hall, Saitual ah meeting neih a ni.
He hunah hian Lok Sabha MP General Election 2024 lo awm tur atana Saitual District inbuatsaihna hrang hrangte thlir ho a ni a, Pu Arvind Sharma chuan MLA General Election ang thova ralmuang taka inthlanna a awm a beisei thu a sawi a, mipuiten tha taka an duh tak an vote theih nan theihtawp chhuah turte, Candidate ten election atana sum an hmante tha taka enzui reng turin a chah a. Hemi atan hian election official tinte an pawimawh thu a sawi bawk.Election chu mitinin an thlir rawn leh thil serious tak a nih thu a sawi bawk.
Observer hian naktuk March ni 22 hian Polling booth hrang hrang te tlawhin, bank lam leh police lam te meeting a neihpui dawn bawk a ni.
He meeting-ah hian Election Expenditure Monitoring Nodal Officer-te, Asst. Expenditure Observer-te, Flying Squad Team leh Static Surveillance Team-te, Accounting leh Video Surveillance team-te an kalkhawm a ni.
Attachment
- Loading attachment...
