1961/2025-2026

2nd September, 2025: Rualbanlote chanvo humhalhna dan "The Rights of Persons with Disabilities Act, 2016" chuan Accessible India Campaign hi a ngai pawimawh em em a. Rualbanlo wheelchair hmangte, mitdel leh a dangte tan mipui punkhawmna vantlang building zawng zawng hi Barrier Free (Daltu awmlo) leh an thlen theih nan siam ngei tur a ni tiin thupek a siam a. He mi bawhzui nan hian Audit Team te leh rualbanlo ten heng hmun hrang hrang hi endikna an nei thin.

Mizoram State Commissioner for Persons with Disabilities office leh Audit Team te chuan September ni 2, 2025 hian PM Shri MICE School Tuikual, Govt Mizo High School leh Govt Mizo Higher Secondary School Chanmariah Access Audit an nei a. Mizoram District pasarih (7) ah he programme hi kalpui tawh niin, Mizoram pumpuiah endikna hi neih chhuah vek tum a ni.