2671/2026-2027

Aizawl the 14th October, Pu Nampibou Marinmai, IIS, Director (News) DDK, Aizawl a nih laia vanduaithlak taka accident vanga boral ta nupui leh faten vawiin khan Aizawl lo thlengin I&PR Director Pi Mina Zoliani Joute office ah a pualin hun an hmang.

Pu Nampibou Marinmai, IIS, hi a thawhpui Dr Engam Pame, PIB hotu nen vanduaithlak takin October 1, 2026 khan Sateek daiah lirthei chesualah an boral a. Mizoramah thlahna hun buatsaih a nih hnuah an khaw lam panpui a ni a. Vawiin khan a nupui leh fate bakah a chhungkhat laina hnaiten a sulhnu rawn chhuia, tihtur tul apiang tifel turin an lo thleng a ni.

I&PR Director Pi Mina Zoliani Joute chuan Pu Nampibou Marinmai an uizia leh Mizoram media te tan channa nasa tak a nihzia sawiin, a chhungte a tawrhpuizia a sawi a.

MJA aiawhin Pu C Lalhmachhuana, Vice President chuan thu a sawi a. Ani bakah hian Dr. Rajeev Lourembam, PIB Aizawl pawhin thu a sawi a ni.

Pu Nampibou Marinmai nupui Pi Aning Newmai chuan Mizoram sawrkar, media chhungkua te leh Mizoram mipuite chungah lawmthu a sawi a. A pasal thihna chungchangah Mizoram mipuite tanpuina, duhsakna leh hmangaihna nasa tak an dawn avangin lawmthu a sawi a ni.