Vawiin chawhma khan Aizawl City College Joint Students’ Union (ACCJSU) buatsaih Graduate Topper-te chawimawina Vanapa Hall-ah neih a ni a. Home Minister Pu R. Lalzirliana chu Khuallian niin Mizoram Cooperative Apex Bank Ltd. Chairman Pi T. Lalmuanpuii chu Khualzahawm a ni.

Pu R.Lalzirliana chuan “Tumna a awm chuan kawng a awm a ni” tiin kalkhawmte chu a fuih a. Zirna lama hlawhtling te chawimawina hun buatsaih ani chu lawmawm a tih thu sawiin, chawimawi tlak te chawimawi hi mihring nun zia dik tak ani, a ti a. Home Minister chuan zirlai kalkhawmte chu nu leh pate thawhrimna ei ral lovin thahnemngai taka lehkha zira, dinhmun tha zawka inhlangkai turin leh incheina chungchangah pawh mahni dinhmun mila inchei turin a chah a. A eng zawnga thil thlir a pawimawh thu sawiin, hetiang rilru pute hi mi hawizau leh rilru hahdam an nih thu a sawi a. Zirlaite chu nakin lawka ram hruaitu tur an ni tiin paukhauh leh chhel taka harsatnate hmachhawn turin Pu R.Lalzirliana chuan a chah bawk a ni.

Khualzahawm Pi T.Lalmuanpuii pawhin department hrang hrang topper-te chawimawina neih ani chu lawmawm atih thu a sawi a. Nun uluk chunga  rilru hrisel pu turin zirlaite chu a chah a ni. 

Aizawl City College Joint Students’ Union (ACCJSU) hi November Ni 22, 2000 khan din niin UG College 10 an insuihkhawm a. Heng College 10 Students’ Union atang hian ACCJSU hruaitu thlanna neih thin a ni a. Vawiin hian 2^nd General Assembly neih nghal a ni.

He hunah hian Mizoram University Undergraduate Exam-a Department 23 topper-te chawimawi niin citation pek an ni a. Topper-te chu :

Economics - Lalrammuani Hnamte (PUC)

Education - Ignes R. Lalmuanpuii (PUC)

English - Shirley Lalrinfeli (PUC)

Geography - Imanuel Lawmchullova (PUC)

History - Lalmawizuali (PUC)

Mizo - Vanlalhrilha (PUC)

Philosophy - Grace Zothansangi (PUC)

Political Science - Vanlalsanga (GSC)

Psychology - Esther Vanlalhmangaihi (HBC)

Public Administration - H. Vanlalvenzuali (PUC)

Sociology - Euniki Zothankimi (PUC)

Commerce - Dominic Vanlalruata (HBC)

Home Science - Zothanpuii Pautu (GZRSC)

Biotechnology - Vanlalhruaii Famhawite (PUC)

Botany - V.Vanlalruati (LGC)

Chemistry - V.T.Krossbiesa (PUC)

Environmental Science - M.C. Lalropeki (PUC)

Geology - Lalremtluangi (PUC)

Mathematics - Reuben Lalremruata (LGC)

Physics - Samuel Lalchanhima (ZRSC)

Statistics - Vanlalhriatsaka (PUC)

Zoology - Mary Lalruatsangi (PUC)

Hindi - Noorjahan Khatoon (GAC)