Vawiin May, 26 2016 khan DIG (NR) leh Chairman, Standing Committee on Acquittal Cases for Aizawl Judicial District ni bawk Pu LT Hrangchal, IPS kaihhruaina in District SP te, Public Prosecutor te leh Police Officer pawimawh te chuan tunhnai a Rorelna Court-in thilsual titua puhte a chhuahna (acquittal) case zirchianna an nei a, case engemaw zat chu rorelna a fuh tawklo nia ngaiin Court sang zawka appeal turin thlen an titlu a ni. Hetiang acquittal case zir bingna hi vawi engemawzat an lo nei tawh thin a, case tam tak chu appeal mek a ni bawk.

Hetih lai hian hnuchhuitute (Investigating Officers) leh sorkar Ukil-te (Public Prosecutors) hma lakna fuh tawk loh avangin misual ten thiam an chang thin tih pawh he zirchianna hian a hmu a, thil sual titute ngei nia lang ten hremna an pumpelh fo thin tih tlem nan insiamthat ngaihna lai turte in hrilhin hma an la mek bawk a ni.

Meeting chuan ND&PS Act (Ruihhlo damdawi) kaihhnawih case-te pawh chiktaka chhui bingin, Court-in thiamchan tira a chhuah an tam chhante pawh chhui chiangin police lam atanga hmalakna tur awmte an sawiho bakah Court roreltute hmaah hetiang mite chhuah theihna tur buk a rit viau anga langtheite pawh a reh tial tial theih nan Police leh Prosecutors te tan lakna tur tarn tak a awm thute pawh an sawi ho a ni.