No.6577/2020-2021
Aizawl, the 17th of November, 2020: Mizoram Sawrkarin Order No.B.13021/ 101/2020-DMR/V01-11 dated 07.11.2020 hmanga "COVID-19 No Tolerance Drive" inkaihhruaina a siam siam chu a hnuaia tarlan ang hian tihdanglam a ni a, a bak zawng chu a ngai anga kalpui tur a ni ang.
1. Clause C (1) hnuaiah hetiang hian sub clause (h) belh a ni - "Administrative Head/ Head of Department/ Head of Office tin ten office khaihlak lo tawk tura thawktute kal dan tur ruahmanna detailment order an siam tur a ni a, chu detailment order chu police/LLTF te enfiah turin office kal tur ten ken ngei ngei tur a ni."
2. Clause F hnuaiah hetiang hian sub clause (7) belh a ni - "Loh theih loh thila mipui punkhawm a tul a nih chuan punkhawmna tur hmuna leng zat 50% aia tam lovin DC ten punkhawm phalna an pe thei ang a; amaherawhchu, mipui pungkhawm hi mi 35 aiin an tam tur a ni lo. Tin, thil pawimawh bik vanga sawrkar/sakhuana thila mipui punkhawm a tul a nih chuan punkhawmna tur hmuna leng zat 50% aia tam lovin DC ten punkhawm phalna an pe thei ang a; amaherawhchu, mipui pungkhawm hian mi 100 an pel tur a ni lo. Heta mipui pungkhawm tur zat sawite hian ei/in siamtu, usher leh program hlawhtlin theih nana tawiawmtu/chhawrte zawng zawng a huam a ni. Chutianga DC ten special permission an pek dawn chuan SOP zawm chungchangah Magistrate emaw Health Department thuneitute kaltlangin ruahmanna an siam thin tur a ni. Mipui punkhawmna hmuna COVID-19 inkaidarh a nih loh nana invenna atana inkaihhruaina (SOP) siam (Attachment-Il) hi tha taka zawm tur a ni."
3. Clause Il (2) (f) hnuaia lirthei intlanchhawk leh Pathianni (Sunday)-a motor tlan phal lohvin a huam loh turte zingah "Telecom Service Providers essential service duty-te lirthei" belh a ni.
ATTACHMENT-II
MIPUI PUNKHAWMNA HMUN-A COVID-19 INKAIDARH A NIH LOH
NANA INVENNA ATANA ZAWM TUR KAIHHRUAINA (SOP)
1. Thlirna
Inneihna, pawl thila inhmuhkhawmna, Pathian biaa inkhawmna leh mipui punkhawmna function neihna hmunahte hian Covid-19 inkai darh a nih loh nan social distancing leh invenna dangte ken kawh a tul tak zet a ni.
2. A huam chin
He kaihhruaina hian hmun thenkhata Covid-19 darh tur ven nana kalphung siam bik bakah vantlang zawm tura duante a pho chhuak a ni.
3. Mipui vantlangin an zawm tur invenna te
Kum 65 chunglam, comorbidity (natna khirh/ inkai chhawn awl pakhat aia tam vei kawp) nei te, nau pai lai te leh naupang kum 10 hnuai lam te chu tul bik thil leh hriselna chungchang vanga chhuah ngai a nih loh chuan ina awm tura thurawn an ni a, a theih chin chinah hetiang mipui punkhawmnaah hian tel ve loh tur a ni. Hei hi sakhaw biakna hmun enkawltute hrilhhriat tur a ni.
4. Mipui punkhawmna hmunahte hian heng inkaihhruaina dante hi lekkawh tur-
i. A luhnaah kut tih faina (sanitizer dispenser) leh khawsik enna dah ngei ngei tur a ni.
ii. Natna kai awma lang lote chauh luhtir tur a ni.
iii. Face mask vuahte chauh luhtir tur a ni.
iv. COVID-19 laka him theihna tura siam poster/ standee/ AV media-te chu langsar deuha tar Ian tur.
v. A theih chin chinah kal khawmte chu then darh tur.
vi. Motor park-na leh punkhawmna hmun/ sakhaw biakna hmun/hall adt. kawtah te mipui che vel mumal taka kaihhruai tur a ni a, social distancing dan zam te an zawm vek tur a ni.
vii. Ei/in tur siam emaw sem emaw a ngai a nih chuan a theih chin chinah mimal ei tur pack fel se thlapa sem tur a ni a, plate/ no/ fian adt. intawm tura ruahman loh tur. Tin, ei/in siam lai leh ei/in laiin engtik lai pawhin social distancing dan zamte zawm tur a ni.
viii. Social distancing vawn that a nih theih nan punkhawmna hmun/sakhaw biakna hmun/hall adt. chhehvelah intlar a ngaih chuan dan anga ruahman sa dinna tur bik chhinchhiahna siam thin tur a ni.
ix. A hrana luhna leh chhuahna siam tur a ni.
x. Punkhawmna hmun/ Sakhaw biakna hmun/hall adt. Luh dawnah a tlem berah feet 6 aia hnai lova indawta intlar thin tur a ni.
xi. Punkhawmna hmun/ Sakhaw biakna hmun/hall adt. Luh dawnah an kut leh ke (pheikhawk phelh a ngai a nih chuan) te fai takin an sil tur a ni.
xii. Social distancing vawn that a nih theih dan ber turin thut dan ruahman tur a ni.
xiii. Air-conditioning/ ventilation hman a nih chuan CPWD kaihhruaina siamte zawm tur a ni. Chu kaihhruaina chuan, "Air conditioning khawlte temperature chu 24C -30C a ni tur a ni a, relative humidity chu 40-70% a ni tur a ni," a ti a; "Boruak thianghlim lut chu a tam thei ang ber a ni tur a nih bakah cross ventilation pawh thahnem tawk tak a awm tur a ni," tiin a sawi bawk.
xiv. Punkhawmna hmun/Sakhaw biakna hmun chhung leh a chhehvela lehkhabu, milim, lehkhabu thianghlim adt. chu khawih loh tur a ni.
xv. Hmun khata mipui tam tak inhawr khawm khap tur a ni.
xvi. Inkaichhawn a awm zel loh nan hla sak leh zaipawl zaite phal a ni lo va; amaherawhchu, hla emaw rimawi thun sa (pre-recorded) te chu tih rik phal a ni thung ang.
xvii. Taksa insia chibai inbuk loh tur.
xviii. Pathian biakna hmuna thingthi-a tawngtai hunin mahni tawngtai nan mahni pher/ puan ken theuh tur a ni a, hawn leh zel tur a ni a. Midang nena intawm loh tur a ni.
xix. Coupon leh pawisa inhlan bakah sakhuana hmuna thilpek inhlan leh puithiam/ rawngbawltute hnen atanga thilpek dawn, entir nan prasad sem/ tui thianghlim sem adt. ang chite tih loh tur a ni.
xx. Heng hmunah te hian a bikin hrisel nana invawn thianghlim hna (sanitation)-te uluk leh ngun lehzual zawka thawh thin tur inthiarna, tui inna leh kut/ ke silna hmunahte.
xxi. Punkhawmna hmun/Sakhaw biakna hmun/hall adt. leh a chhehvelte chu zing taka tihfai leh thenfai hna thawh tur a ni.
xxii. Punkhawmna hmun/Sakhaw biakna hmun/hall adt. chhuatte chu vawi tam tak tihfai thin tur a ni.
xxiii. Mipui pungkhawm leh a hmun enkawlte hman hnu face mask leh kutkawr te chu fimkhur taka tihral tur a ni.
