1976/2023-2024

Vawiin khan Election Commission of India (ECI) chuan rampuma state tina State Level Media Cell on Election te chu video conference hmangin inthlan chungchanga thil pawimawhte leh a bik takin media/social media hman tangkai dan tur an sawipui a. Mizoram State Media Cell Nodal Officer Pu H. Lianzela, Addl. CEO hovin Member dang - Pu Henry C. Lalrawnkima, Dy. CEO, Pi Mina Zoliani, Dy. Director, I&PR, Pu Zonun Sanga, Addl. SP (Tech), CID (Crime), Pu Vanlalringa, Sr. Informatics Officer, ICT leh Pi H. Vanlalruatfeli, Programmer - te pawh kim takin he ECI video conferencing ah hian an tel a ni.

ECI chuan Media / Social Media kaltlanga mipuite hnenah inthlan chungchang inzirtir leh a bik takin first time voter leh thalaite chu inthlannaah phur taka an tel theihna tura kaihhruai a pawimawh thu an sawi a. State tina Media Cell-te chuan tunlai khawvel mila voter education and awareness lamah nasa lehzuala hma la turin an chah a ni.