No.3312/2019-2020
 
 

COVID-19 hrileng laka mipuite an him theih nan mitinte inkharkhipna (lockdown) sawrkarin a kalpui mek a. Hemi hun harsa takah hian ramchhunga mipuite thlai thar mamawh pekchhuah dan tur (Vegetable Supply Chain) chu Pu J.C Ramthanga IAS, Addl. Chief Secretary kaihhruaina hnuaiah vawiin (Dt 26.3.2020) khan ngaihtuah niin, he meeting-in a mipuite hnena thlai thar pekchhuah dan tur (Vegetable Supply Chain) chungchanga rawtna a siamte chu sawrkarin mipuite tan tha turin a ngai a.

 

He Vegetable Supply Chain hi District tinah mumal taka kalpui a nih theih nan DC/ Chairman, District Level Task Force ten anmahni District theuhah Horticulture Department te leh Local Level Task Force te nen ruahmanna an siam ang a, Vegetable Supply Chain Programme hi tluang taka a kal theih nan hma an la ang.

 

Horticulture Department hi Nodal Department an nih angin zokhaw lam atanga khawpui a thlai thar thawn luh tur an ngaihtuah ang a, a phurhluh dan tur, a dahkhawmn, a rate chungchang leh a semchhuah dan turah Commerce & Industries, FCS & CA, Mizofed leh Local Level Task Force te nen DC hriatpuina in ruahmanna an siam thin ang.