Vawiin khan Mamit Mamit D.C Conference Hall, ah Addl D.C Pu H. Lianzela kaihruaina in Mamit khawpui chhunga khualbuk (Dharamshala) sakna hmun thlang turin District Level Executive Committee On Deendayal Antyodaya Yojana- National Urban Livelihood Mission chu an thukhawm.

Meeting kaihruaitu Pu H. Lianzela chuan khualbuk (Shelter for Urban Homeless) hi NULM hnuaia component pakhat a nih thu a sawiin, Meeting hian a sakna hmun a tan hian District Hospital bul chu ruahman a ni a, Mamit mipuite a bik takin District Hospital pana khaw chhehvel atanga lo kal te tan thil chhenfakawm tak a nih dawn thu a tarlang.