Vawiin chawhnu dar 1 : 00 khan I&PR Conference Hall, Siaha-ah “Juvenile Justice Act, 2015 leh POCSO Act, 2012 chu I&PR Conference Hall, Siaha-ah zir ho a ni.

He Dan zirhona hi Dr Chawngkhuma Chawngthu, Chairman, Child Welfare Committee, Siaha District, Siaha chuan a kaihruai a, Pu C. Elbethel Vannunmawia’n hunserh a hman hnu-ah Opening Song Shelter Home, New Colony Naupang ten an sa a, Pu Lalramsanga, CJM Siaha District, Siaha chuan sawihawnna thu leh he Programme hman a nih chhante sawiin zaithiam zai te ngaihthlak a ni bawk.

He hunah hian Dr David Zaitinvawra, DCPO chuan “Juvenile Justice (Care & Protection of Children) Act, 2015, Integrated Child Protection Scheme (ICPS) & Child Rights” tih thupui thlanchhuah hmangin thu a sawi a, Pu N.Solomon Beihlotha chuan “Prevention of Children Sexual Offences Act,2012 (POCSO) tih thupui hmangin thu a sawi bakah Pi Tracy, Advocate chuan “CRPC & IPC in Relation to Juvenile Justice Act, 2015 & Prevention of Children Sexual Offences Act, 2012 & Victim Compensation Scheme “ tih thupui thlanchhuah hmangin thu a sawi bawk. Zawhna leh chhanna hun te hman a ni a, heng zawhna te hi mithiam ten an chhang a ni. He hun hmanna-ah hian Siaha khawpui chhunga Tlawmngai pawl hrang hrang aiawh te, Village Council hrang hrang aiawh te, Medical Department aiawh te, Police Department aiawh te, District Children Protection aiawh te leh Siaha khawpui chhunga Children Home Naupangte leh an hotute leh tualchhung thuthar thehdarh tute an tel kim hle a ni.