Vawiin chawhma dar 11:00 AM khan DC’s Conference Room-ah Lead Bank District Consultative Committee( DCC), District Level Review Committee( DLRC) leh District Level Security Committee(DLSC) member ten meeting an neih a ni. He meeting hi District Level Committee pathuma Chairman leh District Bawrhsap ni bawk Pu R.Zarzosanga’n a kaihruaia, Siaha District chhunga Bank hrang hrang: SBI,MRB,IDBI,HDFC leh MCAB aiawhte , NABARD aiawhin Pu Lalrokunga Chhakchhuak(DDM) te, RBI aiawh Pu Pratab Pegu( Manager) te, Pu James L.H.Pachuau, Chief Manager( Lead Bank) te leh Concern Department hrang hrang aiawh Committee member te an tel kim hle a ni.

Vawiin meeting-ah hian Chairman Pu R.Zarzosanga’n Annual Credit Plan,2016-2017 a tlangzarh nghal a. He ACP(2016-2017)-a thil langsar zualte chu:

1) Overall Target hi cheng Vaibelchhe Rs.20.75 atangin Rs.33.36-ah pungin, a punna hi 63.18% a ni.

2) Agriculture Target hi cheng Vaibelchhe Rs.2.50 atangin Rs.6.50 ah pungin, a punna hi 160% lai a ni.

3) SME( Small and Medium Enterprise) chu Industries leh Services a then niin, SME hi cheng vaibelchhe Rs.2.15 atangin Rs.11.9 ah pungin, a punna hi 453.48% a ni

4) Priority Sector-ah cheng Vaibelchhe Rs.10.11 a pungin, a punna hi 64.19% a ni a, Non- priority Sector-ah cheng Vaibelchhe Rs 3.00 in a puanga, a punna hi 60% a ni bawk.