Nimin khan Pu H. Lianzela, Addl.D.C Mamit chuan Rajiv Nagar a Kuthnathawktute Ni hmanna chu khuallian niin a hmanpui a,BADP hnathawh leh W. Phaileng a MsDP hnuaia hnathawhte a hmunah a enfiah nghal bawk a ni.
Addl. DC Pu H. Lianzela chuan Rajiv Nagar mipuite chu sawrkar hmalakna (NLUP) zarzotute zing ami an ni tih sawiin chhungkua 267 lai in Rajiv Nagar ah NLUP tanpuina an dawng chu lawmawm a tihthu sawiin tha taka hmanga, dinhmun siam nana hmang ngei turin a chah. Pu H. Lianzela chuan Kuthnathawk a eizawng chhungkua ten leirem an rah a, loneih an bansan theih nana hmalakna mai bakah khawpui chhunga cheng, mirethei zawkte tana eizawnna siamsak kawnga hmalakna hian kan State tan hmasawnna a thlen bawk a ni a ti. He hunah hian NLUP tanpuina Agriculture Deptt. hnuaiah mi 48 hnenah a hlan nghal bawk a ni.
Pu H. Lianzela, Addl. D.C chuan Border Area Development Programme (BADP) hnuaia hmalakna Indo-Bangla Border Fencing (IBBF) tlawhin a hmunah ngei harsatna awm ang te a enfiah a, W. Phaileng leh Rajiv Nagar inkar kawngpui dinhmun a enfiah bakah W. Phaileng khaw chhunga Multi-Sectoral Development Programme (MsDP) hnuaia hnathawh hrang hrangte dinhmun a enfiah bawk a ni.
