Vawiin khan Lawngtlai DC Conference Hall-ah Vigilance Department huaihawtin sawrkar hna thawk Group A leh B officer-te tan Property Return chungchang zir hona (one day training) buatsaih a ni.

He hun hi Lawngtlai SDO (Sadar) Pu Lallawmawma’n a kaihruai a. Vigilance Department atanga lo kal Course Director Pu Vanlalzuala Chhangte, Assistant Pu James Lalchhuanawma leh Pu F.Zodinpuia te’n officer kal khawmte chu kum tin an thil neihte sawrkara hriattirna (annual property return) an theh luh dan tur chungchang an zirtir a. Annual Property Return pawimawhna te, sawrkar hriatpui lohva thil lei leh hralh mai mai a rem loh dan te, kum tin January atanga December thlenga an thil thar neih leh tihralte a kum leh January ni 31 ral hmaa APR hmanga sawrkara hriattir ngei ngei tur a nih thu te an sawi a. Zawhna leh chhanna leh sawi hona hun hlawkthlak tak hman a ni bawk.

He training-ah hian Lawngtlaia sawrkar hna thawk Group A leh B officer sawmsarih (70) chuang an kal khawm a ni.

Attachment

  • Loading attachment...