Lunglei-a cham mek Addl. DGP Pu Thianghlima Pachuau, IPS chuan vawiin khan Lunglei khawchhunga Police hmun pawimawh hrang hrang - Lunglei Police Station, DIG(SR) Office, Lunglei SP Office, SDPO Office, MPRO leh 2nd Bn MAP Luangmual te a tlawh kual a. ADGP hi DIG(SR) Pu Joseph Lalchhuana, Commdt 2nd Bn MAP Pu Lalruaia, Addl SP Pu Jerome Lalmuankima leh SDPO B.Laldingngheta ten an tawiawm zel a ni.

Addl DGP hian Police Department ram, tuna Lunglei Tennis Court Venglai anga hman mek pawh a tlawh a, helai hmunah hian a rang thei ang bera Lunglei Police Station Building thar sak a nih tur thu sawiin, a hmunhma hi vawiin vek khan SDO, PWD Pu David Laltanpuia hovin teh fel nghal a ni nghe nghe.

Lunglei-a Police hotuten an hnathawhna lama mamawh an neih leh harsatna an tawh thin te chu ADGP hnenah an thlen bawk a, Pu Thianghlima chuan theihtawp lo chhuahpui a tum thuin a chhang a ni.