Infiammite InPui Mizoram State Sports Council Office-ah vawiin chawhma dar 11:00 khan tun hnaia infiamna lama fehchhuak Mizoram team hrang hrangte hlawhtlinna lawmpui a ni a, he hunah Pu P.C. Zoram Sangliana MLA, Chairman MIFCO chu khuallian a ni.

Mizoram tana medal latute lawmpui na ah hian  Pu P.C. Zoram Sangliana MLA, MIFCO Chairman chuan, " Kan infiammite hi kan duat tur a ni a. Mahni veng leh khua mai ni lo, ram aiawha fehchhuak leh tihmingthatu an nih avangin mitthi lumen leh thlanlaih kawngah te  ngaihnathiam  ila, Ram aiawh pha  lem lo, an tih ai ti tur Mizo nula leh tlangval an tam tawk a, tha taka Mizoram ai an awh zel theih nan kan awl ve an ngai a ni" a ti a " Mizote hian talent kan nei tha em em a, team inelnaah India ram kan al phak tan tawh a, a bikin mimal inelna, contact sports lamah phei chuan kan hma hun a eng em em in a tur bika duan mihring kan ni ta emaw tih tur khawpin kan fuke leh pian a dik a, mahni rihpui beih kawngah kan chan a tha em em zel dawn a ni" tiin infiamna chu Pathian thu nen kalkawp tlat a nih thu leh thuawihna nen Pathian tih chunga theihtawpa luhchilh zel turin Mizoram tana medal latute a fuih bawk.Medal latute hnenah MSSC-in a buatsaih lawmpuina thilpek  khuallian hian a hlan a, MSSC pawhin khuallian hnenah ngaihhruina thilpek a hlan ve bawk ani

April ni 24-27, 2015 chhung khan East Zone (Men & Women) Powerlifting & Bench Press Championship, Imphal Manipur ah neih a ni a,  Mizoram Powerlifting team ten medal 11 dawngin team inelnaah 1st Runner Upan ni a, Bench Press-ah 2nd Runner Up an ni bawk.Mizoram Powerlifting hmeichhe team chu 2nd Runner Up an ni.

May ni 23-26,2015 chhungin National Sepaktakraw Championship for Boys & Girls chu Nagarcoil, Kanyakumari-ah neih a ni a, Mizoram  Sepaktakraw team ten Regu event-ah Silver Medal an dawng.

39th National Arm Wrestling Championship chu Baipur, Udham Singh Nagar, Uttarakhand-ah June 13-17, 2015 chhung khan neih ni bawk a, Mizoram Arm Wrestling Team ten medal 10 an dawng a, India ram pum huap inelnaah hian Mizoram team chu a vawi khat nan Best Displine team-ah thlan an ni.

Arm Wrestling-a Medal latute:

Laltlanmawii                                       Keifang                 Gold

Vanlalnghaka                                      Chuhvel                Gold

Biakhlupuii                                         ITI                         Gold

Hmingthantluanga                             Rangvamual          Silver

Lalnunsiami                                        Chhingaveng        Silver

Zirthantluanga                                    Keifang                 Silver

K.Lalhriatpuii                                      ITI                       Bronze

R.Lalhriatchhunga                               Lamzawl               Bronze

Lalnunmawia                                      Rangvamual          Bronze

Lalrempuii                                          Chhingchhip         Bronze

Manager: Lalrivunga                          Zotlang.

Coach : Remlalnghaka                       Ramhlun 'S'.

Powerlifting-a medal latute :

Vanlalchhuanga                                  Ramthar 'North'   83kg  Gold & Silver

William B.Vanlalfela                           Ramthar                93kg  Gold & Bronze

Zosangliana                                      Ramthar                93kg  Silver 2.

Alan Lalremkima                                Ramthar                56kg  Silver

Lalrammuanpuia                                Ramthar                59kg  Silver

Joseph Lalnunmawia                          Ramthar                74kg  Silver

Samuel Zorammuana                         Ramthar                66kg  Bronze

Lalngaihsaki                                     Ramthar                74kg  Bronze

Silver medal latu Sepaktakraw team te :

C.Lalruatpuia                                      Lunglei

Emmanuel Lalremngheta                      Lunglei

C.Lalthazuala                                      Sihhmui

Vanlalremruata                                   Seling

H.Lalmuanchhunga                             Seling

Coach: KH.Jotin Singh.