Vawiin khan Champhai District Fisheries Department buatsaihin Luidung nungcha humhalh tha lawmman semna hun hman a ni a. He hun hi Pu Lalthanzuala, District Fisheries Development Officer-in kaihruaiin, lawmman hi pawl pali - Joint YMA pathum leh branch pakhat hnenah hlan a ni.
Pu Lalthanzuala chuan luidung nungcha humhalh a tul thu a sawi fiah a. Hman deuha luidungah len hmanga sangha man tur awm thin te kha hmuh tur an awm ta lo a, Dynamo leh Tur hmangte in kan nungchate kan man avangin kan nungchate an rem zo ta leh venhim angai ta hi thil pawi tak a ni, a ti a.
He huna khuallian Pu VL Chama Hnamte, President, Sub Hqtrs YMA Champhai chuan luidung nungchate humhalh thlenga hmalatu Fisheries Dept te chungah Suh Hqtrs YMA Champhaiin lawmthu a sawi a ni a ti a. Lawmman dawngtute chu theihtawp chhuaha hma la chhunzawm zel turin a chah bawk.
Luidung nungcha humhalh tha pali te chu Ngopa Joint YMA, Khawbung Joint YMA, Khawzawl Group YMA leh Khawzawl Dinthar Branch YMA te an ni a. An hnenah hian chawimawina thuziak (citation) leh Pawisa fai Rs. 40,000 theuh hlan an nih bakah Sub Hqtrs YMA Champhaiin Silpauline pakhat theuh a hlan bawk a. Lawmman dawngtu te atangin an huamchhung Luidung an humhalh dan leh an hmalak dan theuh te ngaihthlak a ni bawk.
He lawmman hi RKVY (CSS) Scheme atanga duan niin District hmun dangah pawh he hun hi lo hman a ni tawh bawk a ni.
